رحلات إلى شرم الشيخ

الرحلات السياحية إلى شرم الشيخ أصبحت من الرحلات الرائجة جدًا للسياحية داخل مصر، وده لأن المدينة بتعتبر من المناطق السياحية المُفضلة سواء للسياح المصريين أو الأجانب لتنوع الأنشطة والمزارات اللى ممكن يستمتع بها الزائر خلال إقامته بمدينة شرم الشيخ أو مدينة السلام زي ما لقبوها، خاصًة وان موقعها متميز، فهي من المدن السياحية المُطلة على البحر الأحمر عند ملتقى خليجي العقبة والسويس، وبتمتد مساحتها لحوالي 480 كيلو متر مربع عشان تضم المنتجعات والمزارات السياحية بالإضافة للأسواق والمولات التجارية والمعالم الترفيهية المناسبة للأطفال، وكمان لأهميتها في إقامة المؤتمرات الدولية، ده غير مناخها المعتدل على مدار السنة خاصًة خلال فصل الشتا واللي فيها المناخ بيبقى معتدل ومشمس أغلب الأوقات، الأمر اللى بيجعلها من المدن المُضيفة للزوار على مدار العام.

رحلات سياحية إلى شرم الشيخ

من أهم المعالم الطبيعية في مدينة شرم الشيخ

خليج نعمة: وهي من أشهر المعالم الموجودة في المدينة لإحتوائها على الأنشطة والمعالم السياحية المتنوعة واللى بتخليها منطقة جذب للزوار، زي اطلالتها على البحر الأحمر الملئ بالشعب المرجانية والأسماك الملونة والرمال الناعمة، ومن الأنشطة الساحلية اللي تقدر تستمتع بيها غير السباحة والغوص هي ركوب القارب الزجاجي اللي بيساعدك في مشاهدة الحياة البحرية، ده غير ان خليج نعمة من المناطق التجارية المليانة بالبازارات والمتاجر اللي بتعرض الهدايا التذكارية، والفنانين الموجودين بإمتداد شوارعها وبيقدروا يرسمولك بورتريه خلال وقت بسيط.

خليج القرش: وهو كان اسم على مسمى لإشتهاره بوجود أسماك القرش قديمًا لكنه حاليًا خالي منها تمامًا وبيعتبر من أشهر المناطق الساحلية بمدينة شرم الشيخ، وبيتميز بمعالمه الطبيعية الساحرة والمنتجعات الساحلية الممتدة على شاطئه.

محمية رأس محمد: تُعتبر من أجمل المناطق الطبيعية بمدينة شرم الشيخ ويبلغ مساحتها حوالي 850 كيلومتر مربع، وبتحتوي على الشعب المرجانية والأسماك الملونة وهي موطن للطيور والحيوانات اللي بتعيش فيها، فهتلاقي أكتر من 1000 نوع من الأسماك وأكتر من 150 نوع من القشريات، ده غير انها من أبرز المناطق لممارسة رياضة الغوص اللي بتمكنك من التعرف على طبيعة الحياة البحرية خاصًة وان مياهها مليئة بالسلاحف المائية.

محمية نبق: وهي من المحميات الطبيعية اللي بتمتد مساحتها لحوالي 600 كيلومتر ما بين المناطق الساحلية واليابسة، وبتتميز بموقعها بين مدينة شرم الشيخ، ودهب، ووادي “أم عدوي”، وأكتر ما بيميز المحمية هي تنوع الطبيعة التضاريسية فيها ما بين السواحل والجبال.

أماكن سياحية في شرم الشيخ

المزارات السياحية والترفيهية في مدينة شرم الشيخ

منتزه ألف ليلة وليلة: من الأماكن اللي تقدر تقضي فيها الليل كله لأنه عبارة عن مجمع سياحي مليان بالعروض الفنية من الرقص والموسيقى زي النافورة الراقصة وعروض الخيل، والتماثيل والمنحوتات اللي تقدر تتصور جنبها، وكمان العروض التاريخية اللى بتعرض تاريخ مصر والحضارة الفرعونية، ومتوافر في المنتزه المطاعم والمتاجر اللى تقدر تدوق أشهى وألذ المأكولات وتشتري أجمل الهدايا التذكارية.

هوليوود شرم الشيخ: وهو من أكتر المناطق الجاذبة للسياح، لأن خلال زيارتك ليه هتحس وكأنك في هولييود من خلال التماثيل والمنحوتات الموجودة في المنتزه واللى هتقدر تتصور جنبها أجمل الصور التذكارية، ده غير المولات والمتاجر اللى بتعرض الهدايا التذكارية والمنتجات المتنوعة، ومن أجمل العروض الفنية اللي بتقام فيها عرض النافورة الراقصة واللى هتقدر تستمتع بيه وانت بتاكل ألذ الأطباق في واحد من المطاعم الموجودة فيها.

متحف شرم الشيخ الدولي: وهو من الأماكن المناسب للأعمار المختلفة من الزوار، وبيضم المعروضات اللي بتحكي التاريخ المصري بداية من الحقبة الفرعونية ولحد التاريخ الحديث من خلال المقتنيات الموجودة فيه واللى بيوصل عددها لـ 7000 قطعة أثرية، بالإضافة لدور السينما والمسرح الموجودة فيه، والمكتبات والبازارات اللى بتعرض الهدايا التذكارية.

مسجد المصطفى: وهو من المعالم الدينية اللي بيتميز بطرازه المعماري الفريد والأجواء الروحانية المتواجدة فيه من الداخل، ده غير أهميته الدينية الكبيرة في نشر الإسلام من خلال شيوخه، والمسجد بيتمد على مساحة 27 كيلومتر مربع وبيضم مكان الصلاة اللي بيتسع لأكتر من 3000 مصلٍ من النساء والرجال، بالإضافة للمرافق الخدمية التانية اللي بتفيد شعب المدينة زي الخدمات الدينية اللي بتقدم من خلال المكتبة وغرفة الإذاعة المتواجدة فيها، وبيتزين المسجد من الخارج بالنباتات والحديقة المحيطة بيه.

مسجد الصحابة: وهو من أكتر المساجد اللي زادت شهرة في السنوات الأخيرة بسبب التجديدات اللي تمت عليه وزادت من مكانته السياحية على مستوى العالم، والمسجد ليه طابع خاص في التصميم وبيتميز بقبابه الكثيرة المزينة، وبيمتد المسجد على مساحة 3 كيلومتر مربع وبيتسع لأكتر من 800 مصلٍ، ومن اللي بيميزه عن غيره هو تواجد الأئمة التي تجيد اللغة الإنجليزية والفرنسية، بالإضافة لإحتوائه على المرافق الخدمية التانية اللى بتفيد الزوار في دينهم بالإضافة للعيادة الطبية والمتاجر المتوافرة بالقرب منه وده لأنه موجود في منطقة السوق القديم واللى بتعتبر من أشهر المناطق التجارية بمدينة شرم الشيخ.

مسجد السلام: وهو أكبر مسجد في مدينة شرم الشيخ، وعلى الرغم من عدم شهرته زي المساجد التانية إلا انه من أهم المساجد الموجوده فيها، وتم تأسيسه عام 2001م باسم “جامع شرم الشيخ الكبير”.

الكاتدرائية السماوية: وهي من أجدد وأكبر الكاتدرائيات القبطية في مدينة شرم الشيخ، وبتعتبر من المعالم السياحية المشهورة على مستوى العالم وده لاختيارها من أجمل عشر كنائس على مستوى العالم في عام 2010م، وبتتميز بطرازها المعماري واحتوائها بالداخل على اللوحات الجدارية الدينية الرائعة.

حديقة السلام: أو زي ما بيقولوا عليها حديقة النباتات الدولية، وبتمتد على مساحة 33 فدان وبتضم أكتر من 35 نوع من النباتات النادرة، ده بالإضافة لوجود متحف السلام والبيئة ومركز التنوع البيولوجي الموجودين فيها.

حديقة شرم الشيخ المائية: وهي من الأماكن الترفيهية المناسبة لمختلف الأعمار من الشباب والأطفال، وبتضم الألعاب المائية الشيقة، ده غير احتوائها على المطاعم والغرف الفندقية المناسبة للإقامة فيها خلال اليوم.

دولفينا بارك: وهي من الأماكن الترفيهية المناسبة للعائلات وخاصًة للأطفال، وبيقام فيها العروض الترفيهية من خلال الدلافين المدربة على أنغام الموسيقى، ده بالإضافة لإحتوائها على مجموعة من الطيور والحيوانات المتواجدة بيها زي البطاريق والطيور ذات الألوان الجذابة، ده غير متجر الهدايا التذكارية اللى بيعرض الألعاب الجميلة.

أيقونة السلام: وهو من النصب التذكارية اللي تم تأسيسها من الجرانيت الأسود، وبتتكون من أوراق زهرة اللوتس اللى بيعلوها الأجنحة الثمانية المستوحاة من أجنحة الإله “رع” والحاملة للكرة الأرضية.

احجز أرقى الفنادق في شرم الشيخ

الأنشطة السياحية في شرم الشيخ

الرياضات المائية: واللي بتتنوع بين السباحة والغوص والطفو على المياه للإستمتاع بمشاهدة الحياة البحرية اللي بتتميز بيها مياهها حيث الأسماك الملونة والشعب المرجانية، ده بالإضافة لركوب الأمواج والتزلج على المياه والرمال، وتقدر كمان تستعين بالقوارب الزجاجية أو الغواصة لو كنت غير ماهر في السباحة.

رحلات السفاري: وهي من الرحلات البدوية الجميلة اللي عادةً بتكون في الفترات المسائية، وبتتكون من ركوب الدراجات النارية والعشاء البدوي والعروض الفنية من الرقص والغناء والأشعار البدوية والعروض النارية اللي بتقام وسط الجبال الشاهقة الإرتفاع.

التسوق: وهو من الأنشطة المفضلة لكل السياح في مختلف الدول، خاصًة إذا كانت المدينة بتشتهر بالصناعات اليدوية، ومفيش أجمل من المنتجات سيناء الجميلة اللي بتتميز بألوانها الجذابة الموجودة من خلال منسوجاتها سواء في السجاد أو الملابس، ده بالإضافة للمنتجات التانية زي الميداليات والإكسسوارات والمصنوعات الخشبية والنحاسية، ومن أكتر ما بيميز التسوق في مدينة شرم الشيخ هو تنوع المناطق التجارية فيها ما بين المولات الراقية المتوافر فيها أشهر الماركات العالمية، وما بين المناطق التجارية البسيطة واللي ليها طابع تراثي بيعكس طابع شعبها الأصيل.