رحلات شرم الشيخ للأطفال

بحلول أجازة نص السنة بتبدأ العائلات في البحث عن رحلة كام يوم عشان يقضوا أجازة جميلة، خصوصًا لو معاهم أطفال ونفسهم يقضوا وقت جميل قبل عودة الدراسة مرة تانية، ومفيش أجمل من رحلات شرم الشيخ للأطفال، المدينة اللي بتعتبر مناسبة لمختلف الأعمار من الكبير للصغير لتنوع معالمها ومزاراتها السياحية، لكن احنا هنركز المرة دى على الأطفال بشكل أكبر، وده لأن المدينة اهتمت بتوفير المزارات والعروض والفعاليات المناسبة ليهم وكمان أماكن الإقامة المليانة بالألعاب المائية اللى هتخلي يومهم كله مليان بالأنشطة الترفيهية الممتعة.

احجز رحلتك إلى شرم الشيخ

الأنشطة السياحية المناسبة للأطفال

التنزه في أكوا بارك: وهي عبارة عن ملاهي للألعاب المائية، وهي من أنواع الحدائق المنتشرة في شرم الشيخ وكمان في فنادق مُخصصة ليها، وفيها هتلاقي الألعاب المائية المناسبة لمختلف الفئات العمرية من الشباب والأطفال، ومن أشهر الحدائق المائية دي هو فندق “ألباتروس أكوا بارك” والزيارة فيه متاحة لحد الساعة 5 مساءًا، يعني هتقدر تقضي يوم كامل فيه مع عيلتك وأطفالك، أو تقدر تسيبهم يستمتعوا بوقت لطيف وسط الألعاب لحد ما انت تستمتع بوقت لطيف تحت أشعة السمش الدافية وتناول المأكولات اللذيذة في المطاعم الموجودة فيه.

زيارة دولفينا بارك شرم الشيخ: ومن خلالها هتقدر تحضر عروض الدولفين، ودي من أمتع العروض اللي ممكن يشوفوها عريييييعروض اللى ممكن يشوفوها خلال رحلتهم في شرم الشيخ، ومناسبة للكبار والأطفال، العرض بيكون عبارة عن مجموعة من العروض الراقصة من الدلافين المدربة على أنغام الموسيقى الجميلة لمدة ساعة متواصلة، بالإضافة لإمكانية التصوير مع الدلافين والمشاركة في العروض الفنية المقدمة، وبعد العرض تقدر تاخد جولة في المنتزه وتشوف الحيوانات الموجودة فيه زي البطاريق والطيور المتنوعة، وكمان تقدر تهادي أطفال بهدية من متجر الهدايا الموجود فيه، وبيتوافر كمان كافتريا لبيع المأكولات والمشروبات البسيطة.

زيارة كليوبارك: وهي من الحدائق المائية ومصممة على الطراز الفرعوني، وبتعتبر من أشهر المعالم السياحية المناسبة للأطفال في شرم الشيخ خصوصًا انها بتتميز بدفء مياهها على مدار العام، ومتوافر فيها الزحاليق وحمامات السباحة مع الأمواج الصناعية واللى هتقدر تسمتع بيها وسط أجمل الأنغام الموسيقية اللي شغالة على مدار اليوم، وفي الحديقة موجود منطقة ألعاب للأطفال مؤمنة تمامًا عشان تناسب أعمارهم المختلفة.

تجربة البانانا بوت: وهي من الأنشطة المائية المناسبة للأطفال والكبار لتوافرها بالأحجام المختلفة، وهي عبارة عن مركب بلاستيك على شكل موزة بيلف بيك وسط مياه البحر وانت مؤمن تمامًا من خلال جاكيت الإنقاذ، وتقدر تركبها انت وخمسة من صحابك أو عيلتك.

تجربة الغواصة المائية: وبتعتبر بديل للغوص، وده لأنه صعب على الأطفال الغوص في أعماق البحر، وفي نفس الوقت بتبقى تجربة ممتعة جدًا انهم يتعرفوا على الحياة البحرية الموجودة خصوصًا بالنسبة لمياه البحر الأحمر المليانة بالشعب المرجانية والأسماك والحيوانات المختلفة، والرحلة هتستغرق تقريبًا ساعتين ونصف في غواصة ضخمة هتنزل بيك في قاع البحر عشان تتعرف على جمال الكائنات البحرية في البحر الأحمر وتتصور أجمل الصور التذكارية جنبها وكأنك في البحر تمامًا.

زيارة منتزه ألف ليلة وليلة: وهو من المنتزهات السياحية اللي بيقام فيها العروض الفنية والتاريخية اللي بتعرفك على تاريخ مصر القديمة والفلكلور المصري، ده بالإضافة لمولات التسوق اللي بتعرض الهدايا والمنتجات الجميلة اللى تقدر تحصل عليها، وهتقدر تقضي وقت لطيف في المكان لتوافر المرافق والخدمات السياحية زي المطاعم والكافتريات اللى بتقدم الأطباق والمشروبات اللذيذة.

زيارة محمية رأس محمد:  ودي تقدر تزورها من خلال الرحلات البحرية بالقوارب أو حتى من خلال الطريق البري، والمحمية من المعالم الطبيعية اللي هتلاقي فيها الشعب المرجانية والأسماك بألوانها الجميلة الخلابة، ده غير انها من أشهر المناطق المناسبة لممارسة الغوص، وفيها بتبحر الغواصات اللى اتكلمنا عنها والمناسبة أكتر للأطفال أو اللي مبيعرفوش يغوصوا.

زيارة منتزه هوليوود: وهو من الأماكن المبهرة ومناسب جدًا للي بيحبوا الأفلام لأنه هيلاقي فيها تماثيل ومجسمات لأشهر أبطال الأفلام زي أفلام (قراصنة الكاريبي، وجودزيلا، وتيرميناتور)، ده غير تماثيل الديناصورات العملاقة والنافورة الراقصة،وفيه كمان دور السينما والعروض الفنية زي الرقص والسحر، والمعالم الجذابة زي الشلالات والجسور، ومتوافر فيه كمان مولات التسوق اللي بتعرض الملابس والهدايا التذكارية، وكمان المطاعم اللي بتقدم الأكلات اللذيذة والمشروبات المتنوعة.

احجز فنادق في شرم الشيخ

المنتجعات السياحية للعائلات

منتجع إكسبيرينس كيروسيز بريمير: وهو من منتجعات الـ 5 نجوم، ومُجهز بكافة مرافق الإقامة بالإضافة للألعاب المائية من حمامات السباحة المُجهزة بكراسي التشمس، وكمان منطقة ألعاب للأطفال مُجهزة بالألعاب المناسبة لأعمارهم المختلفة من المنزلقات المائية وحمامات السباحة، ده غير المركز الصحي اللي هتقدر تسترخي فيه تمامًا من خلال جلسات المساج وغرف الساونا اللى بيوفرهالك، وكمان في المنتجع موجود ملعب التنس وقاعة لتنس الطاولة والبلياردو وصالة الألعاب الرياضية.

منتجع ألباتروس أكوا بارك: من منتجعات الـ5 نجوم، بيتوافر فيه مرافق الإقامة المُتكاملة بالإضافة للمرافق السياحية والترفيهية المناسبة للشباب والأطفال من حمامات السباحة الدافية والمنزلقات المائية المناسبة للشباب، بالإضافة لمنطقة ألعاب أخرى مُخصصة للأطفال، ومتوافر فيه خدمة الجاكوزي والسبا اللي هتقدر تستمتع بيها وتجدد نشاطك، ده غير ملاعب التنس وصالة البلياردو.

منتجعات ريجينسي بلازا أكوابارك آند سبا: من منتجعات الـ5 نجوم وموجود على خليج “النبق”، بيتميز بموقعه وسط الحدائق والمساحات الخضراء، وبيتوافر فيه المرافق الترفيهية حيث الألعاب المائية، ومنطقة الألعاب المناسبة للأطفال، ده غير إمكانية حجز رحلات السفاري من خلال المكتب المختص بالمنتجع، ده بالإضافة لملعب التنس وصالة البلياردو ونادي مُخصص للأطفال.

منتجعات شارمليون كلوب أكوابارك: من منتجعات الـ5 نجوم، وبيتميز بموقعه القريب من مطار شرم الشيخ الدولي، وبيتوافر فيه مرافق الإقامة المُتكاملة، بالإضافة للمرافق الترفيهية والسياحية زي حمامات السباحة المتواجدة وسط الحدائق في الهواء الطلق، بالإضافة للألعاب المائية، ومنطقة الألعاب للأطفال، وعروض الرسوم المتحركة وملعب للتنس.

منتجعات كورال سي ووتر وورلد: من منتجعات الـ 5 نجوم، بيتوافر فيه مرافق الإقامة المُتكاملة، بالإضافة للمرافق الترفيهية والسياحية زي حديقة الألعاب المائية اللي بتحتوي على حمام السباحة والمنزلقات المائية، ده بالإضافة لمنطقة الألعاب الخاص بالأطفال، وعروض الرسوم المتحركة الجميلة، ونادي مخصص للأطفال، وكمان تقدر تجرب رياضة الغوص أو ركوب الأمواج من خلال المراكب الشراعية المتوافرة بالمنتجع، أو تقدر تسترخي وتجدد نشاطك في المركز الصحي المتوافر فيه غرف الساونا وخدمة السبا والجاكوزي.

منتجع باروتيل أكوابارك: من المنتجعات الـ 4 نجوم، بيتوافر فيه مرافق الإقامة المُتكاملة بالإضافة للمرافق السياحية والترفيهية المناسبة للشباب والأطفال زيحمامات السباحة، وحديقة الألعاب المائية، ومنطقة الألعاب المخصصة للأطفال، وعروض ترفيهية، وصالة بلياردو، وصالة ألعاب رياضية مُجهزة بالأدوات الرياضية الحديثة، ومركز صحي متوافر بيه خدمات الجاكوزي والسبا وغرف الساونا لإستعادة نشاطك وتجديد خلايا جسمك.

منتجع أكوابلو شرم الشيخ: من المنتجعات الـ 4 نجوم، بيتوافر فيه مرافق الإقامة المُتكاملة مع المرافق الترفيهية والسياحية، وبيتوافر فيه حديقة ألعاب مائية مُجهزة بـ 8 حمامات سباحة للشباب، و3 حمامات سباحة للأطفال، و64 منزلق مائي، بالإضافة للمركز الصحي المتوافر فيه خدمات السبا والجاكوزي وغرف الساونا اللي هتساعدك في تجديد نشاطك، وصالة للبلياردو وتنس الطاولة، وملعب للتنس والجولف، ومسارات للدراجات ومنطقة ألعاب للأطفال، ونوادي ترفيهية للشباب والأطفال.