مكتبة صوفى بالزمالك |Sufi Bookstore Egypt

مكتبة صوفى بالزمالك حلم لشباب اصحاب انهم يلاقوا مكان فى كتب لوة ويبقى فيه مزيكا صوفيه وحبة سندوتشات عشان القعدة تحلو ودة اللى هما عملوه فى مكتبة صوفى “Sufi Bookstore”  

مكتبة صوفى بالزمالك فى شارع سيد البكرى الزمالك   أصحاب المكان دوروا كتير على المكان المناسب اللى تلاقى نفسك فيه ، كلنا بندور على مكان ترتاح فيه وتتعامل كانك فى بيتك بالظبط ودة اكبر نقطة قوة فى مكتبة صوفى ، عارف مبدأ الصوفيه ان تتوحد مع روحك ومن ثم مع الله هو دة بالظبط كانت الفكرة فى الكافيه ودة راجع لاسم المكتبة “Sufi Bookstore” اللى وفرت القعدة الحلوة المريحة سواء كانت الكنب والنجف والشبابيك  فكلهم معملوين بالتصميم الشرقى اللى بيريح نفسيتنا جدا ، كمانعملين فى مكتبة صوفى بالزمالك قاعات للمدخنيين وقاعات لغير المدخنيين ع الناس اللى بتتخنق من دخان السجاير والشيشة .

صوفى بالزمالك من أقرب الاماكن لقلبى سواء كانت القعدة والا الكتب الموجودة بجد حاجة حلوة جدا ، أصلا مين هيفكر يغير مكان قريب لروحه وبيلاقى فيه معاملة كويسة جدا سواء كانوا العاملين فى المكان اللى بيحاولوا على قد ما يقدروا ما يفصلوش مودك وتركيزك ودة طبعا مش بتلاقيه فى اى مكان ، غير أن الاكل تحفة بجد البيتزا ولا الباستا ولا المقبلات الخفيفة تحفة وأسعارهم كيسة جدا يعنى الباستا تقريبا ب35 جنيه

والتشيز كيك ب 25 جنيه  وعصير المانجا الفريش ب15 جنيه ، كمان بيعملوا فى المكتبة حفلات  كل يوم خميس للفرق الصوفيه وبيعلنوا على صفحتهم على الفيس بوك

وبيفروا كل خميس باركنج للى كل اللى جايين الحفلة فى مكتبة صوفى وطبع دة مش متوفر طول أيام الاسبوع لان بتبقى صعب تلاقى ركنه فى شارع سيد البكرى الزمالك ، بس الحلو أنك جاى كافيه صوفى بالزمالك تقدر تسمع مزيكا صوفيه وتقرأ كتب بتحبها سواء كانت روايات او كتب سياسية او كتب تاريخية كل الكتب بجد تحفة وفى مركز لبيع الكتب ع لو عجبك كتاب ولاقيته فى مكتبة “sufi” .

أشرب قهوة ونسكافيه وكل قطعة تشيز كيك واحكم بنفسك فالاسعار حلوة جدا ولو انتوا مجموعة  أجازة كليك بتوفر أسعار مخفضة للمجموعات

عنوان مكتبة صوفى “Sufi Bookstore” : 12 ش سيد البكرى متفرع من ش البرازيل ، الزمالك

رحلة لمصر

ماذا تفعل في القاهرة 

رحلات اليوم الواحد في القاهرة