أشهر كافيهات ومطاعم دهب

الكافيهات والمطاعم في دهب ليهم طابع خاص، فبالإضافة للأكلات والمشروبات اللي بتتوافر فيها، هما كمان بيتميزوا بمعالمهم السياحية الفريدة اللي بتخلي الزوار يقضوا أكتر وقت فيهم، ومن أكتر الحاجات اللي هتلاقيها في مطاعم دهب اللوحات الفنية والتراثية والمراجيح المُطلة على البحر الأحمر، والمطاعم في مدينة دهب بتقدم الأطباق المتنوعة، فهتلاقي المطاعم اللي بتقدم المأكولات الإيطالية، واللي بتقدم المشويات، والمأكولات البحرية، ده غير الكافيهات اللي بتقدم المشروبات والمثلجات المنعشة مع إطلالة على البحر الأحمر، وتقدر كمان تاكل الفطار اللذيذ الأوروبي مع المعالم المصرية، وأجمل ما في المطاعم هي وجودها كلها جنب بعض في الممشى السياحي، يعني هتقدر تختار براحتك المكان المناسب ليك، ومن أشهر الأطباق اللي بيشتهر بيها أهل جنوب سيناء هو “الفراشيح”  وهو نوع من الخبز اللي بيقدموه في المناسبات الكبيرة والمناسبات العائلية وبيتميز بطعمه الجميل المُضاف عليه التوابل زي الزعتر اللي بيديله نكهة مميزة، وهتقدر تعرف أكتر عن المطاعم والكافيهات الموجودة في دهب من خلال المقال.

حجز تذاكر طيران  في دهب

المطاعم الشرقية في دهب

مطعم كينج تشيكن: يُعتبر من المطاعم الشهيرة والأكثر إقبالًامن الزوار، وده لأسعاره الرخيصة ولجودة الطعام عنده ومنطقة الجلوس الجميلة المُطلة على البحر الأحمر، وأشهر الأطباق اللي بيقدمها المطعم الفراخ المشوية، وطبق الملوخية المصري الأصيل، والمطعم من الأماكن المناسبة للي بيحبوا الحياة الصخبة والمليئة بالحيوية خاصًة لموقعه في الممشى السياحي بالمدينة.

مطعم علي بابا: يُقدم المطعم الأطباق المتنوعة ما بين المأكولات البحرية واللحوم المشوية والدجاج، بالإضافة إلى السلطات والعيش الطازة، وبيتميز بخدمته الراقية وإطلالته المميزة على البحر الأحمر، وأسعاره تعتبر أفضل من المطاعم الأخرى، وفي نهاية زيارتك للمطعم بيقدموا لك الفاكهة الطازة، بالإضافة إلى توافر الآيس كريم والشاي البدوي الأصيل مع الأعشاب السيناوية.

مطعم فرشة: بيقدم المطعم المأكولات المصرية والبحرية الطازة، بالإضافة إلىإطلالته المميزة على البحر وأسعاره المناسبة.

مطعم بوداه: بيقدم المأكولات البحرية، وبيتميز بخدمته الراقية اللي بيقدمها لزواره حيث المذاق اللذيذ والأسعار المُخفضة، وهو من الأماكن المناسبة للمجموعات لإنه بيوفر لهم خصومات وأماكن حسب العدد الموجود، ولكن بيشترط الحجز المسبق لتوفير الأماكن.

مطعم كريب وبيتزا بشتيكها: بيقدم الكريب والبيتزا اللذيذة، والمميز فيه انه بيحضر الأكل قدامك بداية من التتبيل ولحد ما يسويها ويقدمهالك في العلبة، وأسعاره معقولة وبتناسب أي زائر.

مطعم البريمو: بيقدم الأطباق المصرية اللذيذة وسط المناخ التونسي العربي الأصيل، وبيعتبر من أشهر مطاعم مدينة دهب وتوافد الزوار إليه للإستمتاع بوقت لطيف وسط الديكورات والمعالم المميزة اللي بيشتهر بيها، ده غير خدمته الراقية اللي بيوفرها لزواره خاصًة إنه جزء من فندق “البريمو” الموجود في شارع “المليك”.

مطعم فريش فيش: بيقدم المأكولات البحرية بس في شكل مُختلف لأنه بيقدمها في شكل برجر، يعني هتجرب أسماك طازة وكمان بشكل جديد.

مطعم ليفوفيتش: بيقدم الحلويات الروسية اللذيذة واللي من أشهره كيك العسل اللي تقدر تجربه مع الشاي.

مطعم فريندرز: بيقدم الأطباق المتنوعة إلا انه مُتخصص أكتر في المكرونة بمختلف أنواعها.

مطعم البورسعيدي: بيقدم الوجبات السريعة والساندوتشات بأرخص الأسعار، بالإضافة لأنواع الشوربة المختلفة والفراخ والأرز بمختلف أنواعهم.

مطعم عبدلله: وده لعشاق الأكل البيتي المعروف عنه المذاق اللذيذ والجودة العالية والسعر المعقول.

مطعم كينج كيتشن: بيقدم المطعم المأكولات المصرية زي المشويات والكباب وشيش الطاووق، بالإضافة إلى السلطات والشوربة المتنوعة، والمطعم بيتصف بأسعاره المعقولة، وهو موجود في أول الممشى السياحي في منطقة المشربية.

حجز فنادق في دهب

مطاعم المأكولات الغربية في دهب

مطعم القرش: بيتميز المطعم بديكوراته الجميلة وموقعه المطل على البحر الأحمر، والمطعم بيقدم الأطباق العالمية بالإضافة إلى المأكولات البحرية الطازة.

مطعم لخبتيتا: بيقدم المطعم المأكولات الإيطالية، بالإضافة إلى المعجنات والمخبوزات اللي بيقدمها واللي تقدر تاكلها في الفطار أو العشا.

مطعم نيرفانا: بيقدم المأكولات العالمية اللذيذة من مُختلف دول العالم، إلا ان أشهر الأطباق اللي بيقدمها هي الأطباق الهندية والوجبات النباتية والشاي الهندي.

مطعم بلو بيتش: بيقدم المأكولات الإفريقية والأوروبية،عشان كده هو من المطاعم المشهورة في دهب وأكثرهم زيارة من السياح، بالإضافة لأسعاره المناسبة لأغلب الفئات المجتمعية، وهو اسم على مسمى لإنه مطل على البحر الأحمر وبيوفر أماكن جلوس مع إطلالة مميزة، ده بالإضافة لخدمته الراقية اللي بيقدمها للزوار لإنه تابع لفندق “بلو بيتش”.

مطعم إلدورادو: بيقدم المأكولات الإيطالية، وبيتميز بإطلالته على البحر الأحمر، وأشهر الأطباق اللي بيقدمها هي البيتزا والمكرونة وغيرهم من الأطباق الإيطالية اللذيذة.

مطعم ذا كيتشن: بيقدم المأكولات الآسيوية من بلاد الهند وتايلاند والصين حيث السوشي والكاري اللذيذ، وهو من أفضل المطاعم في مدينة دهب لأسعاره المعقولة ومذاق طعامه اللذيذ، ده بالإضافة إلى إنه بيقدم المأكولات المصرية اللذيذة زي الكشري والفلافل والفراخ بأفضل الأسعار.

مطعم أتانور: بيقدم المأكولات الإيطالية اللذيذة زي المكرونة والبيتزا بمختلف أنواعهم وساندوتشات البرجر، بالإضافة للحلويات الأوروبية زي التشيز كيك.

مطعم رد كات: وزي ما اسم المطعم غريب فهو كمان أكلاته غريبة، لأنه بيقدم المأكولات الروسية واللي من أشهرها شوربة البنجر بالكريمة واللحم، وكمان عصير البنجر بالجنزبيل والتفاح، وعنده كمان بيتزا الفراخ اللذيذة بالمشروم وأطباق تانية كتير.

مطعم ناماستى: بيقدم أطباق الفراخ واللحمة بالتوابل الهندية الخاصة بألذ مذاق، وبيتميز المطعم بأسعاره المعقولة والأطباق المتنوعة اللي بيقدمها لزواره.

مطعم فيو: بيقدم المأكولات البحرية مع إطلالة مميزة على البحر الأحمر، ده بالإضافة للمأكولات العربية اللذيذة اللي بيقدمها وسط أجواء كلاسيكية وراقية.

مطعم يم يم: بيقدم الأكلات المصرية الأصيلة زي الفول والطعمية والبطاطس والمسقعة والساندوتشات بشكل عام، واللي بتعتبر مناسبة لوجبة الفطار أو بين الوجبات، والمطعم موجود في الممشى السياحي في منطقة المشربية وبيتميز بأسعاره المعقولة.

مخبز ليلى: وده هتدوق فيه ألذ المأكولات والمخبوزات الأوروبية المناسبة لوجبة الفطار، سواء العيش الفرنسي أو الجبنة اليدوية الصنع بمختلف أنواعها، وتحلي كمان بالكيك الفرنسي الطازة وفطيرة التفاح اللذيذة، والمخبز صاحبته أمريكية مُتزوجة من مصري، عشان كده هتلاقي المكان بيغلب عليه الطابع المصري الأوروبي.

ماذا تفعل في دهب

أشهر الكافيهات في دهب

كافيه إيفري داي: يُعتبر من أشهر الكافيهات الموجودة في دهب، واللي بيتوافد إليها الزوار بكثرة، والكافيه بيتميز بمناخ سياحي لطيف بيوفره لزواره من خلال الموسيقى والحفلات والفعاليات اللي بتُقام فيه يوميًا.

مطعم رالف جيرمان: وهو مناسب لوجبة الفطار لإنه بيقدم المأكولات البسيطة زي الكرواسون والدنش والكيك والمعجنات والمخبوزات اللذيذة.

كافيه ومطعم علاء الدين: بيقدم المشروبات المتنوعة، بالإضافة للمأكولات البحرية الطازة مع إطلالة مميزة على البحر الأحمر.

كافيه سيم سيم: وده فيه هتستمتع بأجمل وقت خصوصًا لو روحت بدري خلال فترة الشروق لأن الكافيه فيه 3 مراجيح على البحر، ده غير المشروبات والعصائر اللي بيقدمها مع إطلالة مميزة على البحر الأحمر.

كافيه داون تاون: مناسب لأصحاب الذوق الراقي لأن الكافيه بداية من ديكوراته والخدمات اللي بيوفرها في المكان بتجذب أي زائر ليه، في هتلاقي المراجيح المواجهة للبحر الأحمر، والأغانى الكلاسيكية الجميلة اللي هتسمعها طول القاعدة، وكمان المشروبات اللذيذة اللي هتشربها مع إطلالة على البحر الأحمر.