اللي في الصورة ده الراجل العظيم Bon Jovi .. مقولتش عليه عظيم علشان أغانيه ومزيكته الجامدة قوي، لأ… السبب اليافطة اللي وراه دي
ده إسم مطعم افتتحه في 2011 إسمه JBJ Soul Kitchen في نيو جيرسي، طيب إيه الجديد؟!!!
الجديد إن المطعم ده مفيهوش أسعار في المنيو، تروح تاكل أكل محترم وصحي وبعدين تدفع “اللي تقدر عليه” ولو متقدرش تدفع خالص، تقدر تساعد في المطعم.. تنضف الترابيزات، تقدم أكل، تساعد في المطبخ. كمان لو مثلا حد تطوع في وقت الـ Break إنه يساعد في المطعم بيعزموه ع الأكل في المطعم.
بون جوفي قال إنه فكر في الموضوع بعد ما عرف إن واحد من كل 6 أشخاص في أمريكا بينام جعان.
ده مش أول مشاريع بون جوفي الخيرية، قبلها كان بنى 250 بيت لمنخفضي الدخل.