الريف العربى للخيول بسقارة الجيزة ب 75ج فقط

  الريف العربى للخيول بسقارة من اجمل الاماكن اللى ممكن تركب فيها خيل والجمال وتسمتع بالجو الريفى المصرى الاصيل فى قرية الريف العربى

رحلات اليوم الواحد بشكل مختلف هتقضى الويك إند فى رحلة ريفية  تحفة فى المريوطية اقولك إزاى ؟

اقولك الريف العربى دة مصمم كالريف الحقيقى بالظبط ودة فرصة حلوة قوى للناسى اللى مارحتش الريف قبل كدة على رغم ان الريف العربى للخيول موجود فى المريوطية على طريق سقارة بعد معهد المدينة.

المكان دة حلو قوى فيه بهجة وروح طبيعية لا توصف خاصة ان ريحة الهواء نفسه ريفى لان الناس اللى شغاليين فى المكان بيخبزوا العيش الريفى والفطير المشلتت الصبح بدرى وطبعا لما تروح الريف العربى هتفطر فطير سخن مع جبنة مش وجبنة قريش وحبة عسل تحفة بجد وبعدين تقوم تتمشى فى المكان.

الريف العربى عبارة عن مكان واسع فيه خضرة وزرع وشجر اخضر يريح عينيك وقلبك من اللون الاخضر الزاهى اللى الاطباء اوصوا برؤيتهم عشان نفسيتك تتنتعش ولو حابب تقوم تلعب مع اصحابك او تشوف الورش الفنية الموجودة فى الريف العربى للخيول سواء كنت حابب تشوفهم وهما بيرسموا او بيعملوا المصنوعات الخزفية او تدخل البيوت وتقعد جواها وطبعا البيت فى الريف مختلف مش زى اللى احنا عايشين فيه فالبيت الريفى مصنوع من الطين ودة طبعا زى بيون الريفين الحقيقين بالظبط.

فى الريف العربى فى إسطبل الخيل والجمال لو عايز تركب شوية الخيل وماتخافش فى مدربين ع لو حسيت أنك هتقع ولا حاجة او مش مطمن فهناك فى مدربين عندها خبرة بالخيول ومدربين فى الريف العربى

اجمل حاجة فى الريف العربى المناطر الطبيعية والهواء النقى والجو الريفى التحفة وحمام السباحة للى عايز ينزل يعوم براحته بس للاسف فى شروط ممنوع نزل البنات غير بالمايوه الشرعى ومغطيين شعرهم والشباب ينزلوا بالمايوه بتاعهم غير كدة ممنوع ودة ممكن يكون رخم شوية بس هنعمل اى دى قواعد وتعليمات الريف العربى للخيول

فى حاجات حلوة كتير بصراحة زى عروض المزمار والتنورة تقدر تتفرج عليهم من غير دفع فلوس اكتر يعنى هتدفع 75 جنيه بس ودة شامل:

 الفطار ( الفطير المشلتت والجبنة المش والجبنة القريش والعسل الاسود )

الغداء (ربع فرخة و 2 كفته او فراخ وكفته وسمان + أرز وطاجن خضار وسلطة وعيش )

ركوب الخيل بس ركوب الجمل خارج التكيت

حمام السباحة ولكن مع الالتزام طبعا بالتعليمات والقواعد الخاصة بحمام السباحة

الاطفال من سن 4 إلى 10 سنوات 30 جنية شامل الفطار والغداء والخيل وحمام السباحة

 لو عايز تعرف أكتر عن افتكاسات الخروجات الجديدة فى مصر ممكن تشوف

كى اكش أسبورتس بينت بول مدينة الرحاب

كافية زينب خاتون بالحسين  

قهوة الفيشاوى الحسين 

مطعم فودراكرز مول العرب Fuddruckers 6 أكتوبر 

رحلات داخلية في مصر 

رحلات للأطفال في مصر 

رحلات للشواطئ المصرية