برنامج سياحي في الغردقة

لأن كتير مننا بيحب يخطط لرحلته بنفسه، فإحنا جهزنالك أقوى برنامج سياحي في الغردقة، البرنامج الشامل المُتكامل اللي من خلاله هتقدر تستمتع بزيارة كل معالم الغردقة وتستمتع بطبيعتها الخلابة سواء المتمثلة في المناطق الساحلية أو حتى المناطق الصحراوية، وكمان هنعرفك بأشهر أماكن التسوق الموجودة فيها، والمطاعم اللي تقدر تجرب أكلاتها اللذيذة المتنوعة، كل اللي عليك انت تختار الفندق المناسب سواء من عروض الفنادق الـ 4 نجوم، أو عروض فنادق الـ 5 نجوم، وخطط براحتك لرحلتك بالبحر الأحمر.

في شوية حاجات هتحتاجهم خلال رحلتك بمدينة الغردقة زي نضارة السباحة ودي عشان تقدر تستمتع بمشاهدة المعالم البحرية الموجودة في أعماق البحر الأحمر، وتقدر تشتريها أو تأجرها من خلال مراكز الغوص الموجودة في المدينة.
هتحتاج لشال خلال رحلة السفاري بسبب الرمال الموجودة في الصحراء وانت راكب البيتش باجي، وده هتلاقيه متوافر في المحلات الموجودة في المدينة أو في مكان انتظار عربيات البيتش باجي، وممكن تستغنى عنه بأي كمامة.
ملابس وحذاء للبحر وده لأن البحر الأحمر شواطئه صخرية بتحتاج لإرتداء حذاء البحر عشان يساعدك على السباحة والمشي بسهولة.

دليل السفر في الغردقة

البرنامج السياحي

اليوم الأول

هو يوم الوصول إلى مدينة الغردقة، والسفر بيستغرق من 5 لـ 7 ساعات بالطريق البري،وأحسن حاجة تعملها في اليوم ده إنك تستمتع بمعالم الفندق والشاطئ، سواء عن طريق السباحة أو الغوص في مياه البحر الأحمر اللي بتعتبر من أجمل أماكن السباحة في العالم لأمواجها اللطيفة، أو لمعالمها الطبيعية الخلابة اللي بتتمثل فيالشعاب المرجانية والأسماك الملونة، وبليل تقدر تستمتع بالأنشطة الترفيهية الموجودة في معظم فنادق المدينة زي صالة اللياقة البدنية أو صالة البلياردو والتنس الطاولة، ولو كان معاك أطفال فبيكون ليهم منطقة ألعاب مناسبة لأعمارهم المختلفة.

عروض سياحية في الغردقة

اليوم الثاني

هتبدأ اليوم بتناول الفطار في مطعم الفندق، وتبدأ بزيارة أكواريوم الغردقة وهو عبارة حديقة بتضم عالم من الكائنات البحرية والبرية بالإضافة لمجموعة من المحنطات للحيوانات المنقرضة، وجولتك في الأكواريوم هتستغرق حوالي ساعتين، هتشوف فيها مجموعة مختلفة من الأسماك زي سمك الراي والمرجان وأسماك الزينة، والزواحف زي السلحفاة المائية، بعد كده هتمر بالممر اللي بيخليك تحس وكأنك جوه البحر بالظبط، من خلال مرورك فيه هتشوف الأسماك المتنوعة زي أسماك القرش والراي اللاسع الموجودة في الممر اللي بتمتد مسافته لـ 24 متر، وهتروح بعد كده لمعرض حفريات الصحراء اللي بيضم هياكل وتماثيل للحيوانات التاريخية زي الديناصورات، وهتقدر تستريح شوية خلال الجولة في الخيم الموجودة بالخارج وتشرب حاجة بسيطة زي الشاي عشان تقدر تواصل جولتك بالأكواريوم، وفي الجزء الخارجي من الحديقة هتقدر تشوف الحيوانات البرية زي النعام والطيور المتنوعة، ده بالإضافة لوجود منطقة ألعاب مناسبة للأطفال عشان يستمتعوا بوقت لطيف خلال الجولة.

تقدر تتوجه لواحد من مطاعم مدينة الغردقة لتناول الغداء، ومن أفضل مطاعم المدينة هو مطعم “لودج” وهو من المطاعم المختصة في تقديم المأكولات الأوروبية والعالمية، وبيوفر أماكن للجلوس بشكل مُريح، ولو حابب تاكل المأكولات البحرية فتقدر تزور مطعم “جراند فيش” اللي بيقدم لك المأكولات البحرية الطازجة على الطريقة المصرية والعالمية، والمشابه ليه هو مطعم “ديفينو” اللي بردو بيقدم المأكولات البحرية والإيطالية وسط مناخ بسيط وراقي، ولو عايز تقضيها أكل مصري يبقى لازم تروح مطعم “نوبيان” وهو متخصص في تقديم الأكلات المصرية وسط ديكورات بسيطة وعصرية.

في الفترة المسائية هتجرب أحلى رحلة سفاري في وسط الصحراء، ورحلات السفاري بتختلف أنواعها واقسامها حسب المناسب ليك سواء كنت في مجموعة شباب أو مع عيلة، ولكن غالبًا الرحلة بتكون عبارة عن ركوب سيارات البيتش باجي، والوصول إلى الخيم البدوية في قلب الصحراء، وبتبدأ العروض الفنية زي التنورة والرقصات الشرقية والبدوية وعروض الثعابين والألعاب النارية، وكل ده وانت بتجرب العشاء البدوي اللذيذ وبتحبس بالشاي اللي على الفحم.

حجز فنادق في الغردقة

اليوم الثالث

هتبدأ اليوم بتناول الفطار في مطعم الفندق على نظام البوفيه المفتوح، وتستعد لزيارة محمية الجفتون من خلال رحلة بحرية بالقاربهتستغرق حوالي ساعتين في عرض البحر، هتقف المركب عدد من المرات في الأماكن المناسبة للسباحة والغوص لحد الوصول لمحمية الجفتون عشان تقدر تشوف معالمها الطبيعية والحيوانات والطيور اللي بتعيش فيها زي طيور النورس والزواحف، وغالبًا الرحلة بتكون شاملة وجبة الغداء وبتكون عبارة عن مأكولات بحرية لذيذة مع السلطات والمشروبات واللي هتستمتع بتناولها وانت في عرض البحر.

تقدر ترجع على الفندق مرة تانية، وتستعد لجولة التسوق اللي هتعملها في مارينا الغردقة أو الممشى السياحي زي ما بيسموه واللي بيعتبر من أحسن أماكن التسوق في المدينة لإنه بيتوافر فيه المحلات التجارية اللي بتبيع المنتجات والهدايا التذكارية الجميلة والملابس والشنط والأحذية، ده بالإضافة لدور السينما والمرافق الخدمية والترفيهية الموجودة فيه بإمتداد الممشى زي إمكانية تأجير العجل والموتوسيكلات المناسبة لمختلف الأعمار.

أرخص تذكرة طيران إلى الغردقة

اليوم الرابع

هتبدأ بتناول الفطار في مطعم الفندق على نظام البوفيه المفتوح وتستعد للعودة للقاهرة مرة تانية وتجهز الشنط وكل حاجتك، ولو كنت سعيد الحظ والفندق بيسجل المغادرة متأخر فإنت ليك فرصة لزيارة حديقة سي وورلد وتقضي لك فيها وقت لطيف مع عيلتك، فيها هتلاقي عروض الدلافين وكلب البحر المدربين للرقص على الأنغام الموسيقية، بالإضافة لفقرة الرسم المميزة اللي بتتعمل من خلال الدلافين المدربة، ومن الأنشطة الممتعة اللي تقدر تجربها هي السباحة مع الدلافين والتصوير معاهم، وبالحديقة بتقام العروض الكرتونية من خلال الشخصيات الكرتونية الموجودة فيها زي النمر توني، ده غير منطقة الألعاب المخصصة للأطفال المليانة بالزحاليق والمراجيح الممتعة، وفي الحديقة متوافر كافتريا لتقديم المشروبات الدافئة والباردة ومجموعة من المعجنات المتنوعة اللي تقدر تاكلها خلال جولتك في الحديقة.