حديقة النباتات واللى من اسمها هتحس انك في جنة طبيعية مليانة بالنباتات والأشجار والنخيل اللى هتشوفهم وانت بتسمع تغريد العصافير الجميلة
ده بالإضافة لإطلالتها الساحرة على نهر النيل واللى هتخليك قاعد مستجم في الهواء الطلق وكأنك وسط الجنة
حديقة النباتات بتوصل مساحتها لـ 18 فدان هتلاقي فيها أكتر من 665 نوع من النباتات المتنوعة ما بين الأشجار والنخل والعشب والأزهار والطيور اللى بتعيش فيها
طب ايه حكاية الحديقة دي؟
هتصدق انها كانت مقر للقوات الإنجليزية خلال احتلالها لمصر قديمًا؟
وده لموقعها الإستراتيجي، لكن أخدت وضعها بعد كده وبقت من أهم المعالم السياحية في البلد واللى بيزورها أكتر من 5000 زائر يوميًا، وده كان بعد التخلص من الإستعمار الإنجليزي لما قامت الجهات المسؤولة باستغلال موقعها اللى كان استراتيجي بردو لزراعة النباتات والمحاصيل اللى بتتكيف مع مناخ مدينة أسوان، واتطورت الحديقة من الوقت ده واتسمت الأول بـ “حديقة الملك” نسبًة للملك فاروق ولكن الرئيس “جمال عبدالناصر” سماها بعد كده بـ “جزيرة النباتات”
وهتلاقي فيها أشجار الفاكهة الإستوائية زي التمر الهندي والخروب والكركديه
والأشجار الخشبية زي الصندل والماهوجني والأبنوس والكافور
وأشجار النخيل زي البلح والدوم
والنباتات الزيتية زي جوز الهند والزيتون والزيت
ونباتات الزينة زي الفل والياسمين
ونباتات التوابل زي الفلفل الاسود والشطة
وبعد ما تخلص استجمام وسط معالم الحديقة هتلاقي البازار اللى بيعرض الهدايا التذكارية والمصنوعات اليدوية الجميلة
وعشان عارفين ان كلنا بقى هدفنا هو اننا نلاقي مكان هادي نريح فيه فإحنا وفرنالك أرخص رحلة نيلية بالطيران
برنامج الرحلة :
اليوم الأول: الوصول إلى مدينة أسوان، وزيارة السد العالي، ومعبد فيلة، ثم التوجه إلى النايل كروز للتسكين وتناول العشاء، والذهاب إلى جولة حرة بالمدينة.
اليوم الثاني: تناول الإفطار وزيارة القرية النوبية (إختياري)، والإبحار إلى مدينة كوم امبو خلال تناول الغداء، والتوجه إلى زيارة معبد كوم امبو، ثم الإبحار مرة أخرى لمدينة إدفو، ثم تناول العشاء والإستعداد لحفل المساء.
اليوم الثالث: تناول الإفطار وزيارة معبد إدفو، ثم العودة مرة أخرى للباخرة لتناول الغداء، والصعود لسطح المركب لمشاهدة هاويس إسنا خلال الإبحار إلى مدينة الأقصر، والتجمع مساءًا لحضور عرض الصوت والضوء بمعبد الكرنك (إختياري)، ثم العودة إلى الباخرة لتناول العشاء والإستعداد لحفلة المساء.
اليوم الرابع: تناول الإفطار والإستعداد للمغادرة، ثم زيارة وادي الملوك ومعبد حتشبسوت، والعودة مرة أخرى للباخرة لتناول الغداء والتوجه لزيارة معبد الأقصر ومعبد الكرنك، ثم العودة إلى القاهرة مرة أخرى.