عادات وتقاليد كندا الغريبة والمهذبة ، معلومات عن كندا
مدونه
بيت الكريتلية متحف جاير اندرسون أجمل البيوت الاسلامية
مايو 3, 2016
السياحة فى برشلونة-أسبانيا 2017
مايو 4, 2016

عادات وتقاليد كندا الغريبة والمهذبة ، معلومات عن كندا

 

عادات وتقاليد كندا الغريبة والمهذبة فى نفس الوقت فـ الشعب الكندى  شعب متاسمح ومهذب جدا ، معلومات عن كندا وعاداته وتقاليده وحتى الاعياد والمهرجانات  ، لذلك حافظ على عادتهم وتقاليدهم عندما تتعامل معهم ، مع الاحتفاظ بهويتك وثقافتك . فهناك تفاصيل كثيرة مشتركة بين المجتمعات ولكن على الرغم من ذلك فكل مجتمع له عادات وتقاليد مختلفة .

عادات وتقاليد كندا هل فكرت فى يوم معرفة عادات وتقاليد دولة مثل كندا ؟ السفر إلى كندا بمقال جربته فى يوم؟ ، القيام بالسياحة فى كندا تخيلتها قبل كدة ولا أكتفيت بحلم جميل زى  السفر والفسحة والتزحلق على الجليد على أرض كندا ،تعالى اعرفك على معالم كندا وعادات وتقاليد الكنديين.

أولا إين تقع كندا ا ؟

أقولك : كندا  موجودة فى المساحة الشمالية لقارة امريكا الشمالية ، واللى بتمتد مساحتها من المحيط الاطلسى إلى المحيط الهادى فى الغرب ، ومن الناحية الشمالية المحيط القطبى الشمالى .

ثانيا كندا تانى اكبر دولة فى العالم متخيل هى مساحتها كبيرة قد اى ؟ فى كندا أنهار وبحيرات وجبال وحدائق وشلالات وغير طبعا المعالم السياحية التاريخية وطبعا دة كله هتشوفه فى الرحلات السياحية فى كندا وماتطمعش أنك تعيش هناك فى كندا

المناخ فى كندا : ماتقلقش قوى الجو فى الصيف حلو معتدل ، متوسط درجات الحرارة فى الصيف فى كندا بتترواح من 25 إلى 30 درجة مئوية اما فى فصل الشتاء التلج بيبقى فى كل شبر فى أرض كندا درجات الحرارة ممكن تنخفض إلى -40 درجة مئوية بس درجات الحرارة دى لفترة قصيرة اصلا الشتاء فى كندا قصير

شاهد فيديو عن كندا واجمل المناطق السياحية 

 أحكيلك بقا عن العادات الغريبة فى كندا ، عادات ومهرجانات كندا مختلفة كتير عن اللى اتعودنا عليها فى مصر العادات والتقاليد فى مصر مش موضوعنا الوقتى.

 الهالووين : مهرجان الهالويين فى كندا فى يوم 31 أكتوبر من كل عام ويقو الكنديون بتزيين البيوت والمحلات والشوارع والاحياء فى كندا بزينة مخيفة جدا والناس كلها بتلبس أقنعة مخيفة ويمشوا فى الشارع ويطلبوا الحلوى وطبعا اللى مش بيرضى يديهم حلوي بيضربوه بالبيض

 عزف الكمان بالمناسبة عزف الكمان كان فى 1960 هو المصدر الوحيد للموسيقى فى كندا وخاصة فى المناطق الريفية وعزف الكمان من أهم و أقدم العادات الموسيقة لـ كندا فـعزف الكمان من العادات والتقاليد الاصلية لدولة كندا

 يوم كندا ودة بيبقى فى يوم واحد من شهر يوليو والاحتفال أساسه الاحتفال بقيام دولة كندا وتأسيسها وهتلاقى كل الكنديين الكبار والصغار لابسين لبس ملون بعلم كندا و السماء منورة بالالعاب النارية المضيئة وبيسهروا طول الليل فى حفلات موسيقية وطبعا حفلات الشواء هى الاساس والاكل الكندى التحفة حكاية تانية

عيد الميلاد فى كندا ودة من عادات كندا عيد الميلاد والاحتفال بإضاءة شجر الصنوبر بأضواء ملونة وبيزين الكنديين شجرة الصنوبر بالتماثيل الصغيرة والاشرطة الملونة وبيزينوا المنازل من الخارج والحدائق بشكل مبهج جدا ، ويوم الميلاد اللى بيسموه فى كندا يوم العلب بيقوم كل أفراد الاسرة الكندية بفتح علب الهدايا تحت الشجرة  الصنوبرية المتزينة بالاجراس والـ بابا نويل الصغير ، والغداء بقا بيبقى عبارة عن الديك الرومى المشوى اللى يفتح النفس دة وطبعا جنبه  صلصة التوت البرى والكوسة وبطاطس مهروسة وبطاطا بالاضافى إلى فطيرة القرع التحفة ما أقولكش على الاكل فى المطبخ الكندى تحفة وشهى جدا …  وطبعا فى نفس يوم عيد الميلاد السهر والرقص للصبح وتانى يوم بينضفوا البيت من اللعب ودة طبعا مش فرد واحد لا الاسرة كلها بتساعد فى تنظيف البيت

وطبعا دة غير أفضل المناطق السياحية فى كندا ودى متعة تانية خالص ف البداية كدة اول حاجة هتجربها فى رحلات كندا السياحية،  زى التزحلق على الجليد واللعب بالثلج الابيض وهتروح تشوف حدائق بانف الوطنية بارك ألبرتا وهتتبهر بمساحتها الكبيرة وجبال الروكى فى كندا ليها منظر تانى ، وهتزور معرض تورنتو اللى بيعتبر من أجمل المتاحف فى فى كندا

وتشوف جبال رويال بارك وهى فى أعلى نقطة مونتريا وهناك هتلاقى معالم سياحية كتيرة زى الكنائس الكاثوليكية وقاعات التزلج والحدائق الداخلية جميلة جدا و

عادات وتقاليد كندا ممكن نشوفها كمان فى التعامل معاهم :

اولا عادات وتقاليد على الاكل زى ماينفعش تقعد قبل مضيفك ولا تبدا بالاكل إلا إذا بدا صاحب المناسبة

ثانيا  تبادل الهدايا من اهم عادات وتقاليد كندا وكل هدية لابد من ان تكون مناسبة للاحتفال القائم وان يتقدم الزائر ببوكية ورد ولكن ليس ورد ابيض لانه مخصص لتوديع الاموات فى المقابر

ثالثا عند التحية والسلام لابد ان تكون على بعد 75 سم ولا تدخل فى نطاق محيطه الشخصى

رابعا لابد ان تسلم على الرجال بكل يدك وليس بأطراف الاصابع وها من البروتكول المعروف فالسلام باطراف الاصابع مهانة

السفر إلي كندا 

السفر إلي أوتاوا 

Comments are closed.