مطاعم الغردقة

مطاعم الغردقة بتتميز بإنها بتوفر لك كل الأطباق المحلية والعالمية وكمان المشروبات والمأكولات البسيطة اللي تقدر تاكلها خلال يومك، يعني هتقدر تدوق الكباب والمشويات الشرقية والعربية، والكشري بالطعم المصري الأصيل، وهتطلع بره بلدك شوية وتسافر اليابان وتدوق ألذ سوشي في العالم، وكمان هتدوق الأكلات الإيطالية اللي بتتنوع ما بين البيتزا والمكرونة بأنواعها الكتيرة، ولو في يوم صحيت بدري تقدر تاكل الفطار المتين حيث الفول والطعمية السخنة مع المخلل اللذيذ، وعلى آخر النهار اقعد لك على كافيه من الكافيهات اللي بتقدم المشروبات والمثلجات المنعشة، وفي يوم تاني متنساش تجرب المأكولات البحرية الطازة لأنك في أشهر مدينة ساحلية على البحر الأحمر، والمطاعم في الغردقة عادًة بتفتح على آخر النهار ولحد أوقات متأخرة من الليل، بإستثناء مطاعم الساندوتشات السريعة والمخابز والكافتريات اللي هتلاقيها بتفتح من 7 الصبح.

مطاعم المأكولات المصرية

نوبيان: بيقدم المأكولات المصرية اللذيذة وسط الديكورات البسيطة المصرية، وبيتميز المطعم بحسن استضافة زواره وخدماته الراقية اللي بيوفرهالهم.

جاد: وهو من أشهر مطاعم الساندوتشات السريعة المناسبة في الوجبات الثلاثة سواء فطار أو غدا أو عشاء، وده لأنه بيقدم الساندوتشات اللذيذة من الفول والطعمية والبطاطس وحتى الشاورما والبانيه، وبيتميز بأسعاره المعقولة، ده بالإضافة للحلويات البسيطة المتوفرة عنده والسلطات والشوربة بأنواعها المختلفة، وهو من أشهر المطاعم في الغردقة وعلى مستوى مصر لإنه بيتواجد ليه عدة فروع في جميع المحافظات المصرية.

الزهراء: وهو مخبز مصري بيقدم المعجنات والحلويات البسيطة زي الكنافة والبقلاوة والكيك، بالإضافة للمخبوزات اللذيذة اللي بيقدمها لزبائنه خلال شهر رمضان على وجبة السحور والفطار.

أبو خديجة: من المطعم المُتخصصة في المشويات والكباب المصري، ومع التوسعات اللي تمت عليه بقى يقدم البيتزا والمعجنات والمُقبلات والمحاشي وكمان العصائر المتنوعة عشان يرضي جميع الأذواق من زواره.

مارينا سفنكس: بيقدم المشويات والأطباق العربية والمصرية اللذيذة، وهو من المطاعم المناسبة لتناول وجبة العشاء، وموجود في مارينا الغردقة، ولازم تحجز قبل ما تروح.

مقهى النوبي: بيقدم الأطباق المصرية اللذيذة زي الطواجن والمشويات وسط الطراز المصري الجميل، بالإضافة لبعض المأكولات العربية اللذيذة اللي بيقدمها، وبيتميز المطعم بإستضافته الراقيه لزواره وتقديم الطعام بشكل جذاب.

الحاجة: وهو من المطعم الشعبية الشهيرة في المدينة، وبيشتهر بتقديم المأكولات المصرية زي الأرز الأبيض والخضراوات زي الفاصوليا والملوخية، بالإضافة للحمام المحشي واللحوم والفراخ المشوية، وشوربة العدس اللذيذة والمكرونة، وغيرها كتير من المأكولات اللذيذة اللي هتقدر تجربها لما تزوره في أي يوم، لكن أحسن وقت تزوره هيكون من الساعة 2 الظهر ولحد 6 مساءًا.

الأكل في الغردقة

مطاعم المأكولات البحرية

جراند فيش: يُعتبر من أشهر مطاعم السمك في الغردقة، لإنه من المطاعم الراقية اللي بتقدم الأكل بطريقة جذابة وسط مناخ رومانسي وهادي مع إطلالة على البحر الأحمر، وتقدر تجرب مختلف أصناف المأكولات البحرية لإن المطعم بيوفر جميع المأكولات البحرية من الأسماك والجمبري على الطريقة المصرية والعالمية.

ساوث بيتش: بيقدم المطعم المأكولات البحرية والبيتزا والمشويات، وبيتميز بإطلالته الساحرة على البحر الأحمر، بالإضافة إلى ديكوراته الراقية المُريحة ومناطق الجلوس الراقية وسط أنغام الموسيقى الجميلة الصادرة من الحفلات الموسيقية اللي بتتعمل بصفة دورية في المطعم.

نجم البحر: بيقدم المطعم جميع المأكولات البحرية سواء الأسماك أو الجمبري أو المكرونة البيضاء أو شوربة السمك والأرز الصيادية مع السلطات المختلفة، وبيتميز بأسعاره المعقولة وخدمته الراقية.

الميناء: وهو من المطاعم الكبيرة لإنه مُكون من 3 أدوار، منهم دور مُتخصص في المشروبات المتنوعة ومناسب للمدخنين بالإضافة لخدمة الإنترنت المتوافرة فيه، أما باقي المطعم فهو بيوفر المأكولات البحرية اللذيذة بمختلف أنواعها، والمطعم موجود في منطقة السقالة.

الجوكر: بيقدم المأكولات البحرية اللذيذة، والمطعم موجود في منطقة السقالة.

المشتروات في الغردقة

مطاعم المأكولات العالمية

بوردين: بيقدم المأكولات الشرقية والعالمية في جو مصري كلاسيكي جميل، وبيتميز بخدمته الراقيه اللى بيقدمها لزواره سواء من تقديم المأكولات في شكل لذيذ وجذاب، أو من خلال إقامة الفعاليات والحفلات اللي بتجذب الزوار ليه زي العروض النارية والحركات الإفريقية اللي بتتعمل 3 أيام على مدار الإسبوع، ده غير أسعاره الرخيصة والمناسبة لمختلف الفئات، ومن أشهر الأطباق اللي بيعملها هو طبق اللحم البقري مع الأرز، وطبق السالمون والمأكولات البحرية بشكل عام.

ديفينو: هو مطعم إيطالي بيقدم المأكولات الإيطالية المتنوعة زي البيتزا والمكرونة وسط مناخ هادي وجذاب، بالإضافة لحسن ضيافة العاملين بالمطعم للزوار، والمطعم موجود في منطقة السقالة بالغردقة.

لودج: المطعم موجود في مارينا الغردقة، وبيختص بتقديم المأكولات العالمية والبحرية اللي بتتميز بشكلها وطعمها اللذيذ، بالإضافة للمشروبات المتنوعة والمقبلات اللي تقدر تطلبها جنب الأكل، وبيعتبر المطعم من أفضل المطاعم وأشهرهم في مدينة الغردقة، خاصًة إنه بيقدم الفعاليات اللي بتجذب الزوار ليه زي ليلة الصلصة اللي بتتعمل فيه كل يوم سبت، ده غير الحفلات والإحتفالات اللي تقدر تعملها فيه لأنه مهيأ لإستضافة أكبر عدد من الزوار.

وايت إليفانت: بيختص المطعم بتقديم المأكولات التايلاندي الشهيرة بالتوابل الكثيرة الحارة، ومن أشهر الأطباق اللي بيقدمها هو طبق الدجاج أو اللحم والمأكولات البحرية بمختلف أنواعها، واللي بيميز المطعم إن الطهاة الموجودين فيه من دولة تايلاند ده غير أسعاره المعقولة بالنسبة للجودة الراقية اللي بيقدمها.

بورتوفينو: بيقدم المأكولات المصرية والإيطالية سواء البيتزا أو المكرونة أو سلطة “بابا غنوج” أو الطعمية، بالإضافة للمعجنات والمقبلات المتوافرة عنده، وهو من المطاعم اللي تقدر تزورها في الفترات المسائية وتستمتع بالذ طعم لمأكولاته الشهية.

سوشي جوشي: من أشهر المطاعم اللي بتقدم السوشي المكون من الأرز والسمك بمذاق لذيذ، والمطعم متاح يوميًا من الساعة 5 مساءًا.

ماسالا: بيقدم الأطباق الهندية على ايد طهاة هنديين، وده لإن كل العاملين في المطعم هنود، والأطباق الهندية مشهورة بتوابلها الكتيرة اللذيذة ومكوناتها المتنوعة.

كافيه ديل مار: بيقدم المأكولات الإسكندنافية والسويدية والنرويجية المناسبة للوجبات الثلاثة على مدار اليوم، بالإضافة للمشروبات المتنوعة الباردة والساخنة، وبيتميز المطعم بقائمة الطعام المُتكاملة اللي بيوفرها لزواره لتلبية رغباتهم المختلفة.

عروض سياحية في الغردقة

الكافتريات

البار الكريبي: وهو من الكافتريات المُتاحة من بداية اليوم ولحد بليل، في الصبح تقدر تستمتع بمشروبك المُفضل من القهوة أو العصير مع قطعة كيك لذيذة، وفي آخر النهار تقدر تستمتع بالأطباق الذيذة اللي بيشتهر بتقديمها زي شرائح اللحم المشوي، وبيتميز المطعم بإطلالته على البحر الأحمر اللي بتجلب الراحة النفسية لزواره.

كافيه نجيب محفوظ: بيتسم بطابعه البسيط الكلاسيكي، وهو من الأماكن المُفضلة لكتير من العائلات والأشخاص لطبيعته الهادئة البسيطة، والكافيه متوفر فيه المشروبات الباردة والساخنة.

هيدكاندي: يُعتبر من الأماكن الصاخبة المناسبة للسهر فيها في الفترات المسائية، وبيقدم المكان الحفلات والفقرات الترفيهية كل يوم بالإضافة لحفلة يوم الجمعة اللي بتتعمل على حمام السباحة وسط الإحتفالات والأكلات اللذيذة اللي بيوفرها لزواره.

كافيه دوي سولي جيلاتيريا: بيشتهر بتقديم الآيس كريم الإيطالي اللذيذ المصنوع من المكونات الطبيعية، بالإضافة للعصائر الطازجة، وهو مناسب لإقامة الحفلات والمناسبات العائلية زي أعياد الميلاد، والكافيه موجود في مارينا الغردقة.