مهرجان الطبول |فلكلور الطبول فى قلعة صلاح الدين| شارع المعز

 مهرجان الطبول فى القاهرة ومحدش يعرف ازاى ؟ ازاى نكون من سكان القاهرة وتحصل مناسبة كبيرة واحتفالية الدنيا  كلها تتفرج عليها واحنا منعرفش وماشفناش حاجة زى دى فى القنوات المصرية اللى عدت الالف قناة تلفزيونية ومحدش جاب سيرة مهرجان الطبول والسلام فى القلعة وشارع المعز .

طيب يا جدعان محدش سمع عن  مهرجان الطبول فى القاهرة ونقل فعالياته الكبيرة جدا واللى اشترك فى المهرجان 21 دولة من العالم ولفوا فى شوارع القاهرة القديمة وشارع الغورية عشان يوصلوا رسالة السلام للعالم كله من جوا مصر وخاصة  ان مهرجان الطبول من اكبر المهرجانات فى العالم والعروض بتاعته فى احلى شوارع مصر شارع المعز .

المهرجان دة اتعمل مخصوص عشان الناس يوصلها وخاصة بمساعدة حملة اعرف بلدك اللى بتورى الناس المعالم السياحية اللى موجودة فى قلب القاهرة الفاطمية واحنا منعرفهاش وكمان فى حملة شبابية تانية اسمها مع حملة شباب المتحف لتنشيط السياحه بتساعد على تنشيط السياحة الداخلية لمصر مش للناس اللى برة مصر دة خاصة للناس اللى عايشة فى مصر وماشفوش جمالها وجمال تراثها العربى اللى موجود فى شارع المعز .

هوريك صور لفعاليات المهرجان واللى اشتركت فيه بلاد زى مصر وباكستان والهند وكوريا الجنوبية وبلاد ليها تراث عتيق حبت تشاركه مع التراث المصرى فى فلكلور الطبول للحوار من اجل السلام فى ثلاث مسارح و اولها عروض فى شارع المعز لدين الله الفاطمى  ومسرح  بئر يوسف بالقلعة وفى مركز طلعت حرب الثقافى .

فلكلور الطبول فى قلعة صلاح الدين الايوبى عمرك زرت القلعة بليل وشوف منظهرها من جوا عامل ازاى حكاية بجد طب شوفت مسرح بئر يوسف ، عارف يعنى ايه  تتفرج  على حوار الطبول من اجل السلام وعروض مختلفة من البلاد المشاركة فى مهرجان الطبول بجد هتتبسط جدا وخاصة ان يوم الافتتاح والختام ولمدة سبعة ليالى اجمل العروض اللى ممكن تشوفها فى  قلعة صلاح الدين من يوم 19 إبريل إلى 25 ابريل 2016 ، “” جميع العروض مجانية يعنى فرجة ببلاش “”” واللى علينا انك تتبسط وتشوف احلى عروض لدق الطبول .

قلعة صلاح الدين وشارع المعز وقبة الغورى هما أكتر اماكن فيهم تراث وفنون ترجع لالف سنة ومش واخدة حقها فى مصر بجد اللى مرحش وشاف  قصر الامير طاز ، مسجد الحاكم بأمر الله ، مركز طلعت حرب الثقافى،  مسرح الهناجر ، فاته كتير ، تابع فعاليات مهرجان الطبول  وعروض الازياء التحفة فى شار

السفر إلي مصر 

ماذا تفعل في القاهرة 

أماكن سياحية في القاهرة