أماكن الفسح في العين السخنة

أماكن الفسح والخروجات بقت مملة بالنسبة لك وكلها شبه بعض؟

ايه رأيك لو تقضي لك كام يوم في مكان قريب بتكلفة بسيطة وعلى مسافة ساعة ونص أو أقل من بيتك؟

هنوفرلك كل أماكن الفسح في العين السخنة واللي من خلالها هتستمتع برحلة سياحية ملهاش مثيل، وده كله لأن فيها مجموعة متنوعة من الشواطئ العامة والخاصة المناسبة لمختلف الفئات المجتمعية وكمان أماكن للفسح والخروجات هتلبي كل أذواق الزوار سواء بيحبوا الأنشطة الترفيهية أو الإستكشافات أو الإستجمام قدام البحر حتى.

ده بالإضافة اننا هنعرفك على كل المطاعم والكافتريات الموجودة في المدينة عشان لو حبيت تجرب أكلات جديدة خلال الرحلة، وكمان أشهر أماكن التسوق اللى من خلالها هتقدر تشتري كل اللي نفسك فيه وتهادي حبايبك وأصحابك.

ماذا تفعل في العين السخنة

الأماكن الترفيهية في العين السخنة

ملاهي تيدا: وهي من الأماكن الترفيهية اللي تم تأسيسها مؤخراً، وبتضم مجموعة من الألعاب والأنشطة الترفيهية المناسبة لمختلف الأعمار من الأطفال والشباب، وهي من المزارات السياحية المناسبة للعائلات والأطفال عشان بيقدروا يقضوا وقت لطيف ويستمتعوا بالأنشطة الموجودة فيها، والملاهي من الداخل بتتقسم لأربع أقسام، كل قسم مختلف عن التاني عشان يلبي مختلف الأذواق من الزوار، أول قسم هومجموعة من الألعاب المائية اللي بتتمثل في الزحاليق المناسبة لمختلف الأعمار للأطفال، والقسم التاني هو عالم الديناصورات وفيه هتشوف تماثيل الديناصورات ومجموعة من الألعاب الكهربائية المناسبة لمختلف الأعمار من الكبار والأطفال، والقسم الرابع مناسب للأطفال من سن سنتين ولحد 8 سنوات لأنه عبارة عن مجموعة من الألعاب الترفيهية المناسبة لأعمارهم البسيطة، والقسم الرابع هو عالم أوتو واللي فيه بتتوافر سباقات السيارات وسينما البعد الخامس والرحلات الفضائية الخيالية، والملاهي متوافر فيها أماكن للراحة للأهالي والزوار، وكمان كافتريا بتقدم المشروبات المتنوعة اللذيذة، والملاهي مفتوحة على مدار الإسبوع من الساعة 3 العصر ولحد الساعة 11 مساءًا.

بورتو السخنة: وهو من المنتجعات المتكاملة اللي بيتوافر فيها مولات التسوق، ودور السينما، والمطاعم والكافتريات اللي بتقدم المأكولات والمشروبات المتنوعة مع إطلالة مميزة من قمة الجبل، وكمان الألعاب الترفيهية والمائية المناسبة للكبار والأطفال ويقدروا يقضوا وقت ممتع فيها.

التلفريك: وهو مناسب لمختلف الأعمار من الكبار والأطفال، وبيوفرلك إطلالة ومنظر ساحر لمعالم المدينة من أعلى، يعني هتقدر تشوف البحر والجبال في صورة بانورامية ساحرة، عشان كده أحسن وقت تركبه فيه هو خلال غروب الشمس عشان تقدر تستمتع بالمناظر دي.

ميناء السويس: وقد يبدو انه من الأماكن الخالية من السياحية، إلا انه من أشهر الأماكن الموجودة في العين السخنة، فبالإضافة لمكانته التجارية لإستقباله السفن التجارية المحملة بالبضائع والشحنات، فهو كمان من الأماكن اللي بيتوافر فيها إمكانية ممارسة الرياضات المائية المتنوعة زي السباحة وركوب القوارب البحرية، وكمان هتقدر تزور السوق التجاري الموجود بالقرب منه واللي بيعرض المنتجات والهدايا التذكارية الجميلة.

رحلات سياحية في العين السخنة

المعالم الطبيعية في العين السخنة

جبل الجلالة: بيرتفع الجبل مسافة 1200 متر فوق مستوى سطح الأرض، وبيعتبر من الجبال الي تقدر تتسلقها وبتقام فيها رحلات السفاري، ده بالإضافة لمكانة الجبل الدينية لإعتقاد الكثير من المؤرخين انه الجبل اللي مر بيه نبي الله موسى مع جنوده متوجهين إلى البحر الأحمر عند ظلم فرعون لهم.

جبل عتاقة: بيرتفع الجبل مسافة 800 متر عن مستوى سطح البحر، وبيقع بين محافظة السويس والبحر الأحمر،وهو ذات مكانة تاريخية لقيام إحدى المعارك عليه قديمًا خلال حرب 1973م، ده بالإضافة لمكانته الصناعية في تنمية الصناعة المصرية، وبيتميز الجبل بسقوط الثلوج علي قمته واللي بتزيد من مكانته السياحية ضمن المعالم الطبيعية الأخرى.

محمية الأشجار المتحجرة: وهي من الأماكن المناسبة للمهتمين بعلم الطبيعة والجيولوجيا، وهو عبارة عن هضبة مُكونة من مجموعة من التلال اللي بتحتوي على سيقان وجذور الأشجار المتحجرة اللي بيعود تاريخها لآلاف السنين، وهي فريدة من نوعها ونادرة الوجود على مستوى العالم عشان كده بيتوافد عليها الكثير من المُستكشفين والمهتمين بعلم الطبيعة.

العيون الكبريتية: ودي من الأماكن المناسبة لمُحبي الإسترخاء والإستجمام، لأنها من الأماكن الطبيعية اللي فيها هتقدر تسترخي وتتخلص من الطاقة السلبية وكمان بتعتبر مكان للإستشفاء من الأمراض الجلدية وأمراض العظام، والعيون الكبريتية عبارة عن عيون من المياه الحارة المتفجرة من باطن الارض في شكل شلالات كونت بحيرات صغيرة بيسبح فيها الزوار للإسترخاء والإستمتاع بوقت لطيف فيها.

خليج الأدبية: من المناطق السياحية الخلابة وده لمعالمه الطبيعية الموجودة فيه واللى بتوفرلك إمكانية السباحة وصيد الأسماك وركوب الأمواج، بالإضافة لبعض المعالم التاريخية الموجودة فيه زي منطقة حطام السفن القديمة.

دليل السفر إلى العين السخنة

المزارات التاريخية في العين السخنة

دير القديس أنطونيوس: يكتسب الدير أهميته لكونه الدير الذي تم تأسيسه بعد وفاة القديس أنطونيوس تكريمًا له ولأعماله المجيدة وده لأنه القديس الأول اللي نادى بالرهبنة المسيحية في مصر، والدير موجود في واحة “الربيع” وبيتوافد عليه الزوار المصريين والأجانب لمعرفة تاريخه.

دير القديس الأنبا بولز: وهو بيعتبر من المزارات التاريخية الموجودة على طريق “الكُريمات” وفيه هتلاقي الكنيسة اللي بتحتوي على المخطوطات النادرة وبيُقام فيها الشعائر الدينية اللي بيتوافد عليها الزوار لحضورها، ده بالإضافة لتواجد الكهف الموجود في الدير واللي بيحتوي على قبر القديس، والرهبان المُقيمين فيه واللي بيفيدوا الزوار في الأمور الدينية المسيحية.

حجز فنادق في العين السخنة

مطاعم العين السخنة

مطعم الكبابجي المنوفي: بيقدم المأكولات المشوية من اللحوم، بالإضافة لمجموعة من الأطباق المصرية زي أنواع الشوربة المختلفة والمقبلات والطواجن، وبيتميز المطعم بخدمته الراقية وأسعاره المناسبة.

مطعم توسكانو: يُقدم المطعم المأكولات الإيطالية، وبيتميز بموقعه المُطل على حمام السباحة في الهواء الطلق، ده بالإضافة لتوافر أماكن بالداخل في مناطق مُغطاة، وبيضم المطعم المقهى الخاصة بتقديم المشروبات والمثلجات المنعشة.

مطعم جوني كارينوز: يُقدم الأطباق الصينية والإيطالية ومجموعة من الأطباق العالمية التانية، عشان كده بيعتبر من المطاعم المُفضلة لكثير من الزوار لأنه بيلبي احتياجات مختلف الأذواق، وبيتميز الفندق بخدمته الراقية اللي بيقدمها لزوار، بالإضافة لتوافر المشروبات المتنوعة.

مطعم تشيليز: يُقدم الأطباق المكسيكية الحارة، وأشهر الأطباق اللي بيقدمها هو خبز التورتيا مع صلصلة الطماطم، وكمان أطباق المأكولات البحرية والدجاج واللحوم، وبيتوافر فيه العصائر المتنوعة اللي تقدر تطلبها بجانب الأكل، وبيتميز المطعم بخدمته الراقية اللي بيوفرها لزواره.