شواطئ وقرى العين السخنة

شواطئ وقرى العين السخنة بتوفرلك كل اللي بتتمناه وكله على أد ميزانيتك، فسواء كنت عايز تقضي لك يوم لطيف على البحر من غير إقامة فإنت هتلاقي مجموعة من الشواطئ الراقية اللي بتوفرلك الشاطئ ولوازم البحر زي الكراسي والشمسية اللى هتحتاجها على مدار اليوم، أما لو كنت مع عيلتك ونفسك تقضي يوم على البحر وتأجر شاليه فإنت بردو هتلاقي طلبك، والجميل في مدينة العين السخنة توافر المرافق السياحية اللى تقدر تزورها واللي بتناسب مختلف الأعمار من الكبير والصغير، وتستمتع بالأنشطة السياحية والترفيهية المتوافرة هناك، بالإضافة للمطاعم والمولات المتواجدة فيها، يعني كل اللى عليك تخطف رجلك للعين السخنة وتسيب نفسك وسط الطبيعة والبحر، وفوق كل ده المدينة من الأماكن القريبة وده لأنها بتبعد مسافة ساعة ونص من القاهرة.

ورحلات اليوم الواحد من الرحلات الشائعة جدًا مع ضيق الوقت والميزانية، خصوصًا إن الإقامة في الفنادق بتتطلب منك ميزانية تانية غير أي خروجة عادية، لكن رحلات اليوم الواحد بتخليك تستمتع بوقت لطيف بأقل تكلفة ممكنة وعلى أد ميزانيتك.

رحلات سياحية في العين السخنة

شواطئ العين السخنة

شاطئ السادات: من الشواطئ العامة والدخول متاح لجميع الأشخاص مجانًا، وبيتوافر فيه مرافق الشاطئ زي أماكن الجلوس ومنطقة ألعاب للأطفال، ده بالإضافة للمياه الصافية والرمال الناعمة اللي بيتميز بيها.

شاطئ اللؤلؤة: موجود في الكيلو 24 على طريق السويس، وهو من الشواطئ العامة المفتوحة على مدار الـ 24 ساعة، وبيعتبر من الشواطئ المميزة بمياهها الصافية ورمالها الناعمة، ده بالإضافة لمرافق الشاطئ المتوافرة فيه من الكراسي والشمسيات اللي هتحتاجها على مدار اليوم.

شاطئ كرييتف جيت: من الشواطئ الخاصة، وموجود على طريق الزعفرانة، والدخول فيه متاح من الساعة 7 صباحًا ولحد الساعة 8 مساءًا، وبيتوافر فيه مرافق الجلوس ومنطقة ألعاب للأطفال، وخدمة الإنترنت، وحمام سباحة.

شاطئ الزهور: من الشواطئ الخاصة اللي بتوفرلك أماكن للإقامة زي الشاليهات اللي تقدر تأجرها انت وأسرتك أو أصحابك، ومتوافر فيه المرافق الترفيهية زي حمام السباحة، ومنطقة ألعاب للأطفال، وشاطئ خاص مُجهز بمرافق الجلوس تقدر تعوم فيه براحتك على مدار الـ 24 ساعة.

شاطئ البترول: من الشواطئ الخاصة، الدخول فيه متاح من الساعة 7 الصبح ولحد الساعة 10 مساءًا، وبيتوافر فيه مرافق الجلوس زي الكراسي والشمسيات.

شاطئ السماد: من الشواطئ الخاصة، ومتاح الدخول فيه من الساعة 7 الصبح ولحد 8 مساءًا، وهو من الشواطئ اللي بتتميز بمياهها الصافية ورمالها الناعمة، ده بالإضافة لأماكن الجلوس اللي تقدر تستمتع بالجلوس عليها وتسترخي تحت أشعة الشمس الدافية.

حجز فنادق في العين السخنة

القرى السياحية في العين السخنة

بورتو السخنة: موقعها في الكيلو 48 على طريق الزعفرانة، وبتعتبر من القرى السياحية الراقية اللي بيتوافر فيها مختلف أماكن الإقامة المناسبة لجميع الفئات، ده بالإضافة للمرافق السياحية المتوافرة فيها من الشاطئ الخاص، وأماكن الصيد والغوص، وحمامات سباحة، ومنطقة ألعاب للأطفال، وملاعب الجولف، وتلفريك، ومطاعم متنوعة بتوفرلك الأطباق العالمية والمحلية، ومتاجر متوافر فيها المنتجات والهدايا التذكارية.

قرية بالميرا العين السخنة: موقعها على مسافة 120 كيلومتر من مدينة القاهرة، وبيتوافر فيها الشاطئ الخاص، وحمامات السباحة، وملاعب مناسبة للأطفال، ومطاعم بتقدم المأكولات المتنوعة.

قرية واحة الحجاز: دخول القرية مجانًا، وتقدر تحجز فيها شاليه انت وعيلتك أو أصحابك بتكلفة بسيطة، والشاليه الواحد بيستوعب 5 أفراد، ده بالإضافة للمميزات اللي هتستفاد بيها من إقامة راقية وشاطئ خاص.

قرية جاردينيا: موجودة في الكيلو 24 اتجاه مدينة السويس، وبتعتبر من أشهر القرى اللي بتقام فيها رحلات اليوم الواحد لتكلفتها البسيطة المناسبة لمختلف الفئات، ده بالإضافة للمميزات الترفيهية زي الشاطئ الخاص، ومنطقة ألعاب للأطفال، وملاعب كرة القدم والكرة الطائرة، وتقدر تحجز فيها شاليه أو تستمتع بالمرافق الترفيهية اللي ذكرناها بدون إقامة.

قرية جيت بيتش: موقعها في الكيلو 25 على طريق السويس بالقرب من جبل “عتاقة”، وهي من القرى الراقية اللي بتوفرلك المرافق الترفيهية المتنوعة من الشاطئ الخاص الرملي، وحمامات السباحة، والأنشطة الترفيهية المناسبة للأطفال، وملاعب الكرة الشاطئية، ومطاعم لتقديم المأكولات اللذيذة.

قرية ستيلا دي ماري: موجودة في الكيلو 46 على طريق السويس، بتعتبر من القرى السياحية الراقية المناسبة لرحلات اليوم الواحد للعائلات أو لجلسات التصوير للأزواج لمعالمها الطبيعية الخلابة، والقرية متوافر فيها المرافق الترفيهية زي الشاطئ الخاص اللي بيتميز برماله الناعمة والمياه الصافية، وحدائق جميلة، ومنطقة ألعاب للأطفال، وبتقام من خلال القرية الرحلات البحرية، ده بالإضافة لصالة اللياقة البدنية المُجهزة بالأجهزة الرياضية الحديثة، وملاعب جولف، ومركز صحي بيوفر جلسات المساج والسبا، ومجموعة من المطاعم اللي بتقدم المأكولات المحلية والعالمية.

قرية كرييتف العين السخنة: موقعها على مسافة 45 كيلومتر من مدينة السويس، وبيتوافر فيها الشاطئ الخاص، وحمامات السباحة، ومنطقة ألعاب ترفيهية، ومطاعم للمأكولات المتنوعة.

قرية واحة مينا: موقعها في الكيلو 67 على طريق الزعفرانة، وبيتوافر فيها المرافق السياحية من الشاطئ الخاص، وحمام السباحة، ومنطقة ألعاب للأطفال، وكافتريا للمأكولات البسيطة والمشروبات المتنوعة، وسوبر ماركت متوافر فيه كل حاجة ممكن تحتاجها.

قرية لا سيرينا العين السخنة: موقعها في الكيلو 68 على طريق السويس، وبتوفر المرافق السياحية من الشاطئ الخاص وحمامات السباحة، وأماكن لإنتظار السيارات، ده بالإضافة لموقعها على مسافة 189 كيلومتر من مطار القاهرة.

قرية بورتريه: موقعها في الكيلو 95 على طريق السويس، وبتعتبر من القرى الرخيصة، واللي بيتوافر فيها الشاطئ الخاص، وحمام سباحة، ومرافق ترفيهية، ومطعم وكافتريا بيوفروا المأكولات والمشروبات المتنوعة، وشاليهات للإقامة.

قرية الحياة العين السخنة: موقعها فى الكيلو 165 على طريق القطامية، وبيتوافر فيها الشاطئ الخاص، وأماكن الإقامة مُطلة مباشرة على البحر، ده بالإضافة لحمامات السباحة، وأماكن ومرافق للغوص، وصالة لياقة بدنية مُجهزة بالأجهزة الرياضية، ومنطقة ألعاب للأطفال، ومطعم وكافتريا بيقدموا المأكولات والمشروبات المتنوعة مع إطلالة على حمام السباحة.