بورتو السخنة

بورتو السخنة هو واحد من مشروعات عامر جروب السياحية، وهو عبارة عن منتجع سياحي متوافر فيه كل الخدمات والمرافق السياحية اللي ممكن الزائر يحتاجها خلال إقامته في أحد الوحدات المتوافرة فيها سواء فيلات أو شقق أو شقق دوبليكس، واللي بتختلف مساحتها ومرافقها الداخلية عشان تناسب جميع الزوار الوافدين إلى المنتجع، ده بالإضافة لأسعارها المتفاوتة واللي تقدر تشتريها أو تأجرها حسب إمكانياتك، إلا انك في النهاية هتستمتع جدًا خلال فترة إقامتك في المنتجع لأن الخدمات اللي بتتقدم فيه بتكون على أعلى مستوى وبتناسب الفئات العمرية المختلفة من الأطفال والبالغين، وفي بورتو السخنة هتلاقي ملعب الجولف الضخم الأول من نوعه لإطلالته المباشرة على البحر الأحمر، والألعاب المائية، ومنطقة ألعاب للأطفال، والنوادي الصحية، والملاعب الرياضية، والمطاعم المتنوعة، والكافتريات، والمولات اللي بتضم المتاجر، ومن أمتع الأنشطة السياحية الموجودة في بورتو السخنة هو التلفريك اللي بياخدك في رحلة فوق معالم المدينة عشان تستمتع بمنظر خلاب للبحر الأحمر والجبال.

حجز فنادق في العين السخنة

الوحدات السكنية في بورتو السخنة

ولأن كل زائر في بورتو السخنة ليه متطلبات غير التاني فالمنتجع بيوفر وحدات إقامة مختلفة المساحة عشان تناسب مختلف الزوار، فهتلاقي إن وحدات الإقامة فيها بتتراوح مساحتها من 55 متر مربع ولحد 103 متر مربع، وجميع الوحدات بتحتوي على غرفة نوم، وحمام خاص أو اتنين حسب مساحة الشقة، ومنطقة جلوس، وشرفة خاصة مع إطلالة على البحر الأحمر و حمامات السباحة، ودولاب للملابس، ومنتجع بورتو السخنة بيتوافر فيه أماكن لإنتظار السيارات، ومطاعم بتوفر المأكولات المتنوعة المحلية والعالمية، ومتاجر للهدايا والأدوات المنزلية.

رحلات سياحية في العين السخنة

المرافق الترفيهية والسياحية في بورتو السخنة

التسوق: متوفر في بورتو السخنة مجموعة من المتاجر والسوبر ماركت اللي بتوفر المنتجات اللي هتحتاجها والهدايا التذكارية اللي تقدر تشريتها، بالإضافة لصيدلية متوفر فيها الأدوات الطبية اللازمة، يعني لو نسيت حاجة متقلقش لأنك هتلاقي كل اللى تحتاجه وكمان هتتسوق براحتك وتشتري كل اللي نفسك فيه.

الأنشطة المائية: ودي تتنوع ما بين السباحة والغوص في مياه البحر الأحمر المليانة بالأسماك المتنوعة، وكمان ركوب الباراشوت المائي، وركوب الأمواج والقوارب البحرية، والبانانا بوت، والقارب الزجاجي،ده بالنسبة للبحر، أما بالنسبة للأنشطة المائية التانية فإنت تقدر تعوم في حمامات السباحة الباردة والدافية حسب المناخ وقتها، وكمان تستمتع بالألعاب المائية الموجودة في المنتجع والمناسبة للأعمار المختلفة للأطفال والشباب.

التلفريك: وده من الأنشطة الممتعة جدًا المناسبة لمختلف الفئات العمرية، واللي من خلاله هتستمتع بمشاهدة معالم المدينة حيث البحر والجبال، وياسلام لو تركبه فترة الغروب عشان تستمتع بأجمل منظر طبيعي.

كهف الملح: وهو من الأماكن المُحببة لمُحبي الإسترخاء، لأنه عبارة عن كهف مصنوع من الملح بتسترخي فيه مع أنغام الموسيقى الهادئة، والمعروف عن الملح انه بيخلصك من الطاقة السلبية الموجودة في جسمك فهيخليك تستعيد نشاطك من تاني، ده بالإضافة لفوائده الصحية للجسم والتخلص من أمراض العظام والتنفس.

المطاعم: بتتوافر مجموعة متنوعة من المطاعم الموجودة على قمة الجبل، فهتلاقي أشهر المطاعم هو مطعم حلقة السمك اللي بيقدم لك المأكولات البحرية الطازجة مع إطلالة على البحر الأحمر من على قمة الجبل، وكمان مطعم “ستديو مصر” وبيقدم المأكولات الشرقية زي المشويات، ومطعم “عيوش اللبناني”، ومطعم “كوك دوور” اللي بيوفرلك الساندوتشات السريعة مع المشروبات المنعشة، ومطعم “بورتو السخنة” وبيقدم المأكولات المصرية والعربية والعالمية على مدار اليوم، وبيوفر أماكن جلوس داخلية وخارجية في الهواء الطلق حسب الرغبة، ومطعم “جوني كارينوز” وهو بيقدم الأطباق الإيطالية الشهيرة زي المكرونة والبيتزا.

ماذا تفعل في العين السخنة

فعاليات وحفلات بورتو السخنة

بتستضيف بورتو السخنة أشهر الفنانين والمطربين في المجالات المختلفة لتوفير جميع الوسائل الترفيهية لزوارها، ومن أشهر الحفلات الغنائية اللي اتعملت فيها هي حفلة المطرب حسام حبيب، ومحمد حماقي، ومحمود العسيلي، ده بالإضافة للموسيقار العظيم عمر خيرت، وبالإضافة لحفلات الشباب فالمنتجع بيستضيف كمان الفعاليات المناسبة للأطفال زي المعسكرات الترفيهية، واحتفالات الأعياد المختلفة زي أعياد عيد الاضحى وشم النسيم واللي بتقام فيها المهرجانات الترفيهية الجميلة المليانة بالأنشطة الممتعة اللي بيشارك فيها الأطفال زي التلوين والألعاب المختلفة، وللمهتمين بالرياضة فالمنتجع استضاف بطولة الجولف الدولية بمشاركة 13 دولة وكان من أكبر الدورات الرياضية اللي تمت خاصة وان المنتجع بيمتلك أكبر ملعب للجولف مع إطلالة على البحر الأحمر.