مسجد الطابية بأسوان

مسجد الطابية واحد من أكبر وأقدم المساجد المصرية بمدينة أسوان واللى بيتميز بتصميمه المعماري الجميل على الطراز المملوكي من القبة العالية، ومن أبرز معالمه مآذنه العالية اللى تقدر تشوفها من أي مكان بالمدينة
والمسجد بالإضافة لأهميته الدينية لأنه بيتسع لآلاف المصليين، إلا انه ليه أهميات تانية كتيرة زي انه الموقع اللى بيتم فيه استطلاع رؤية هلال رمضان كل سنة
ولأنه أصبح من المساجد السياحية فتم الإهتمام بيه أكتر وأكتر من خلال تزويده بالأنوار الخارجية وزراعة الحديقة المُحيطة بيه عشان يكون في أزهى شكل
أما من الداخل فالمسجد بيتكون من المداخل الأربعة اللي بتؤدي إلى المظلة المسنودة بالأعمدة الدائرية المزينة بالأقواس والفوانيس الزجاجية المنقوش عليها الآيات القرآنية في أعلاها
مسجد الطابية تم تأسيسه في عام 1974م يعني بيعتبر من المساجد الحديثة بالرغم من تصميمه التراثي، وده اللي بيخلي الزوار اللى بيتوافدوا عليه يتصوروا مع معالمه الصور التذكارية اللى تفضل معاهم دايمًا، خصوصًا من الداخل لأنه بيتميز بنقوشاته الإسلامية والمُقتنيات التراثية الجميلة ذات الألوان الهادئة
وبعد زيارتك للمسجد تقدر تقعد شوية في الحديقة المُحيطة بيه واللى بتخليك تسترخي تمامًا وسط معالمها الخلابة تحت أشعة الشمس الدافية في الهوا الطلق
مش معقول هتسافر مدينة أسوان من غير ما تتعرف على باقي معالمها السياحية، عشان كده وفرنالك أرخص رحلة نيلية للأقصر وأسوان

سافر الأقصر وأسوان على أد ميزانيتك

برنامج الرحلة :

اليوم الأول: الوصول إلى مدينة أسوان، وزيارة السد العالي، ومعبد فيلة، ثم التوجه إلى النايل كروز للتسكين وتناول العشاء، والذهاب إلى جولة حرة بالمدينة.
اليوم الثاني: تناول الإفطار وزيارة القرية النوبية (إختياري)، والإبحار إلى مدينة كوم امبو خلال تناول الغداء، والتوجه إلى زيارة معبد كوم امبو، ثم الإبحار مرة أخرى لمدينة إدفو، ثم تناول العشاء والإستعداد لحفل المساء.
اليوم الثالث: تناول الإفطار وزيارة معبد إدفو، ثم العودة مرة أخرى للباخرة لتناول الغداء، والصعود لسطح المركب لمشاهدة هاويس إسنا خلال الإبحار إلى مدينة الأقصر، والتجمع مساءًا لحضور عرض الصوت والضوء بمعبد الكرنك (إختياري)، ثم العودة إلى الباخرة لتناول العشاء والإستعداد لحفلة المساء.
اليوم الرابع: تناول الإفطار والإستعداد للمغادرة، ثم زيارة وادي الملوك ومعبد حتشبسوت، والعودة مرة أخرى للباخرة لتناول الغداء والتوجه لزيارة معبد الأقصر ومعبد الكرنك، ثم العودة إلى القاهرة مرة أخرى.