معبد الأقصر

بتبدأ حكاية معبد الأقصر لما أصبحت مدينة الأقصر هي عاصمة مصر الفرعونية قديمًا، وقتها أمر الفرعون “أمنحتب الثالث” بتأسيس معبد عشان يحصل على عرش مصر، والحقيقة ان عادة المعابد لما بتتعمل بيكون الهدف منها هو عبادة الآلهة وتقديم القرابين ليها، لكن الفرعون هنا كان هدفه يحصل على عرش مصر وده بيحصل بحاجتين اتنين ملهمش تالت
يا إلا يكون ابن لأب وأم أمراء من سلالة ملكية، أو يكون زوج بنت الملك السابق، وهو لا كان كده ولا كان ينفع يتزوج من بنت الملك، ففكر في تأسيس المعبد ده لإثبات نسبه للإله “آمون” خالق الحياة وما فيها حسب معتقداتهم وكان بيتم تمثيله من خلال قرص الشمس واللى اتخذوا له زوجة سموها “مونت”، وابن اسمه “خونسو” وتم تمثيله في القمر وكان اسمهم “ثالوث طيبة المقدس”.
وعلى الرغم من ان تصرف “أمنمحات الأول” يكاد يكون بيخليه في موقف ضعف إلا ان عهده شهد التطورات والإنجازات الكتيرة خصوصًا في مجال الفن والعمارة والواضح على المباني اللى تم تأسيسها في عهده، ومن أبرز المعالم دي هو معبد الأقصر اللى بيبدأ بالبوابة الأولى اللى بتمتد بإرتفاع 25 متر وبتروي انجازات الملك “رمسيس الثاني” في معركة قادش، بالإضافة لوجود التماثيل الستة والمسلات الفرعونية.
هتتنقل بعد كده للفناء الكبير اللي بيضم الأعمدة الجرانيتية وتماثيل الملك “رمسيس الثاني”، ومن أغرب المعالم الموجودة في معبد الأقصر هو مسجد أبو الحجاج الأقصري واللى شهد على الحضارات التلاتة من الفرعونية ثم القبطية ثم الإسلامية.
بعد كده هتشوف فناء أمنحتب الثالث المُحيط بالـ 46 عامود والمنقوشين بالرموز بداية من عهد “أمنحتب الثالث” لحد وصول “الإسكندر” إلى مصر.
بعد كده هتشوف محراب الإسكندر الأكبر واللى بيعود تاريخ تأسيسه للأمنحتب الثالث ولكن تم تغيير معالمه بقدوم الإسكندر لمدينة الأقصر من النقوشات الخاصة بالإنجازات اللى قام بيها والتقاليد الدينية الخاصة مع الآلهة.
وآخر حاجة هتزورها هي جناح الأوبت واللي قام بتأسيسه “أمنحتب الثالث” واللى بيضم في نهايته غرفة قدس الأقداس المخصص لعبادة الإله آمون.
متفوتش فرصة زيارة معبد الأقصر من خلال أرخص رحلة نيلية بالطيران للأقصر وأسوان واللى وفرناهالك مع أقوى برنامج سياحي.

سافر الأقصر وأسوان على أد ميزانيتك

برنامج الرحلة :                        
اليوم الأول: الوصول إلى مدينة أسوان، وزيارة السد العالي، ومعبد فيلة، ثم التوجه إلى النايل كروز للتسكين وتناول العشاء، والذهاب إلى جولة حرة بالمدينة.
اليوم الثاني: تناول الإفطار وزيارة القرية النوبية (إختياري)، والإبحار إلى مدينة كوم امبو خلال تناول الغداء، والتوجه إلى زيارة معبد كوم امبو، ثم الإبحار مرة أخرى لمدينة إدفو، ثم تناول العشاء والإستعداد لحفل المساء.
اليوم الثالث: تناول الإفطار وزيارة معبد إدفو، ثم العودة مرة أخرى للباخرة لتناول الغداء، والصعود لسطح المركب لمشاهدة هاويس إسنا خلال الإبحار إلى مدينة الأقصر، والتجمع مساءًا لحضور عرض الصوت والضوء بمعبد الكرنك (إختياري)، ثم العودة إلى الباخرة لتناول العشاء والإستعداد لحفلة المساء.
اليوم الرابع: تناول الإفطار والإستعداد للمغادرة، ثم زيارة وادي الملوك ومعبد حتشبسوت، والعودة مرة أخرى للباخرة لتناول الغداء والتوجه لزيارة معبد الأقصر ومعبد الكرنك، ثم العودة إلى القاهرة مرة أخرى.