رحلات ما وراء السد في أسوان

مع قدوم فصل الشتا أول حاجة الواحد بيفكر فيها انه يأنتخ في البيت عشان يتدفى ويهرب من البرد، بس في ناس تانية بتفكر بطريقة غير تقليدية لأنهم ناس مميزة، عايزين يستفادوا بكل الأوقات سواء كانت برد أو حر

عشان كده أول حاجة بيفكروا فيها هي رحلات الأقصر واسوان، ويا سلام بقى لو رحلات نيلية

طب لو كنت أصلا زرت الأقصر وأسوان قبل كده وعايز تجدد شوية؟

عندنا الحل بردو، وده لأن الرحلة فيهم موقفتش لحد كده، هتلاقي في رحلات مشهورة جدًا اسمها رحلات ما وراء السد واللي هتزور فيها المعابد والبيوت التراثية والقصور التاريخية الموجودة ورا السد العالي، عشان كده بيسموها رحلة العظماء وأصحاب الذوق الرفيع لأنهم عايزين يقضوا وقت ممتع ويجربوا الأنشطة المختلفة.

 
رحلتنا هتبدأ بزيارة لمعبد كلابشة الشهير باسم معبد “ماندوليس” واللى تم تأسيسه لعبادة الآلهة “ماندوليس” إله الشمس والخصوبة عند النوبيين، واتنقل بعد كده على ضفاف بحيرة ناصر، وهناك هتشوف التصميم الروماني الواضح في الصرح العظيم الموجود فيه، وقاعة الأعمدة وحجرات قدس الأقداس، وخلال جولتك بيه هتشوف النقوشات الرومانية اللي بتروي تفاصيل علاقات الملك مع الآلهة وإنجازاته اللى قام بيها وتفاصيل حياته اليومية.

        أفضل الرحلات والعروض بالأقصر

معبد المحرقة والموجود في القرية المعروفة بنفس اسمه واللى كانت الفيصل بين النوبة ومصر الرومانية، وفيها هتلاقي المعبد اللى تم تأسيس بواسطة الإمبراطور الروماني سنة 30 قبل الميلاد لإهدائه للإله “سيرابيس”، والمعبد مُكون من الصالة والأساطين الستة، ده غير الحجرة الضيقة اللى هتوصلها من خلال المدخل الجنوبي، وفي جزء الشمالي الشرقي من الصالة هتقدر توصل لسطح المعبد من خلال السلم المتواجد بها.

أفضل الرحلات والعروض بأسوان

 
معبد بيت الوالي: بيعتبر من أقدم المعابد الموجوده في النوبة واللى تم تأسيسه بغرض عبادة الآلهة (آمون وخنوم، وعنقت)، وهو من المعابد الفريدة لأن تم نحته في الصخر، وخلال زيارتك ليه هتشوف النقوش والرسومات الموجودة على جدرانه واللى بتروي تفاصيل استعداد الملك “رمسيس الثاني” للحرب ضد النوبيين.

أشهر المعالم السياحية في أسوان

معبد القرطاسي: بيعتبر من المعابد الرومانية الموجودة في جنوب مدينة أسوان، وكان مُخصص لعبادة الآلهة “إيزيس” وتحول بعد كده لعبادة الآلهة النوبية، وجدران المعبد مليانة بالنقوش والرسومات اللى بتحكي قصة إيزيس وأوزوريس، ولكن هناك بعض الإعتقادات التانية اللى بتقول ان المعبد تم تخصيصه لعبادة الإله “حتحور” إله الحب والجمال والموسيقى والشهير جدًا بقصته الأسطورية ضد النوبيين اللى قاموا بالإنقلاب عن “رع” لكبر سنه، فقام بإرسال “حتحور” بشرب دماء المنقلبين عن حكمه، ولكن “رع” توقف عن الخطوة دي في النهاية خوفًا من إنقراض البشرية ولكنها استمرت في الأمر ده لحد ما تدخل “تحوت” إله الحكمة اللي سقاها الخمر المخلوط باللون الأحمر لحد ما ثملت به وتم إنقاذ البشرية.

وإلى أهم القرى النوبية هنزور قرية جرف حسين اللى بتضم المعبد الخاص والمُسمى بنفس اسمها بهدف تكريم الآلهة “بتاح”، كمان هتشوف استراحة السادات اللى أسسها الرئيس الراحل “أنور السادات” سنة 1981م وتُعتبر من البيوت النوبية الجميلة المُحاطة بالنباتات والزرع والمُطلة على بحيرة ناصر أكبر بحيرة صناعية في العالم، ولو حظك حلو وجت وقت زيارتك مع مولد جرف حسين فهتبقى فرصة جميلة إنك تتعرف على عادات وتقاليد النوبيين من خلال المولد ده واللى بيتم فيه إقامة الولائم وأكل الذبائح، وبعد كده هنتوجه لوادي السبوع.

وادي السبوع أو وادي الأسود واللي اتسمى كده نسبًة للطريق اللي بيوصل للمعبد، والمعبد ذات نفسه تم تأسيسه لعبادة الإله آمون، واتعرض المعبد للتعديلات والتوسعات منذ تأسيسه بأمر من “رمسيس الثاني” ولحد “أمنحوتب الثالث” اللي قام ببعض الإنشاءات والأعمال في الجهة الأمامية للصرح.

          أشهر المعالم السياحية في الأقصر

معبد الدكة: واللى تم البدء في بنائه من خلال أحد الملوك النوبيين بمعاونة صديقه لإهدائه إلى إله الحكمة “تحوت”، والمعبد من الداخل مُكون من الصرح الغير مُكتمل، وكمان مدخل المعبد المؤسس في أعلاه قرص الشمس المجنح والجدران المنقوش عليها علاقة الفرعون بالآلهة،  ده بالإضافة إلى الفناء اللي موجود بعد  الصرح واللى بيليه الواجهة المُكونة من العمودين المزينين بالتيجان الزهرية، وبعد كده هتلاقي الحجرة المُزينة بالنقوشات اللى بتوضح علاقة الملك بالآلهة، وفي النهاية موجود المحرابين المُزين بالزخارف اللي بتوضح علاقة معبد المحرقة والموجود في القرية المعروفة بنفس اسمه واللى كانت الفيصل بين النوبة ومصر الرومانية، وفيها هتلاقي المعبد اللى تم تأسيس بواسطة الإمبراطور الروماني سنة 30 قبل الميلاد لإهدائه للإله “سيرابيس”، والمعبد مُكون من الصالة والأساطين الستة، ده غير الحجرة الضيقة اللى هتوصلها من خلال المدخل الجنوبي، وفي جزء الشمالي الشرقي من الصالة هتقدر توصل لسطح المعبد من خلال السلم المتواجد بها.

 

معبد عمدا: قام بتأسيسه الملك “تحتمس الثالث” وكمله من بعده ابنه “أمنحتب الثاني”، وجولتك بالمعبد هتتضمن مشاهدة البوابة الحجرية المنقوش عليها الملوك السابقين، وورا البوابة هتلاقي الفناء اللي بينتهي بالشرفة المستندة بالأربع أعمدة، وكمان هتشوف قدس الأقداس والغرفة المنقوش بها تفاصيل تأسيس المعبد.

               سافر الأقصر وأسوان على أد ميزانيتك

معبد الدر: وهو المعبد اللى بناه الملك “رمسيس الثاني” عشان يهديه للآلهة (آمون، رع، حور)، وبداخل المعبد هتلاقي صالة الأعمدة الأولى والتانية اللي بتضم كل واحدة فيهم مجموعة من الأعمدة، وبعد كده هتشوف قدس الأقداس واللي بيحتوي على التماثيل الأربعة لـ (الإله رع حور، ورمسيس، وآمون رع، وبتاح)، وكل فيه جزء بالغرفة دي مخصص لتخزين الأدوات الخاصة بطقوس العبادات.

قصر إبريم: واللي بيتميز بموقعه على الضفة الشرقية لنهر النيل، ونتيجة لموقعه الفريد بقى واحد من الجزر الطبيعية بداية من منتصف السبعينات، وهتزور فيها القلعة اللى كان ليها أهمية كبيرة خلال العصر الروماني، وكمان الكاتدرائية اللى كانت بتاخد نفس أهمية الاسقفية في النوبة.

               اعرف أكتر عن أسوان

 

 

 

 

 

معبد أبو سمبل: اتسمى بالاسم ده نسبًة للولد اللى أرشد علماء الآثار خلال رحلتهم في التنقيب عن الآثار الفرعونية، لكن قبل كده كان معروف بـ “معبد رمسيس ونفرتاتري“، والمعبد موجود في الجهة الغربية من بحيرة ناصر واستغرق تأسيسه 21 سنة خلال عصر رمسيس الثاني اللى قام بتأسيسه عشان يثبت وجوده وحضارته اللي بناها من خلال معلم تاريخي يكون بمثابة طابع يفتكره بيه الأجيال والحضارات اللى هتيجي من بعده، والمعبد مُنقسم لجزء خارجي يحتوي على 4 تماثيل فرعونية يمتد ارتفاعها لـ 20م، وجزء داخلي مُكون من الغرف المؤسسة على الأعمدة الثمانية ومجموعة من التماثيل الضخمة والنقوشات اللى بتروي تفاصيل المعارك وحياة الملك وعلاقته بالآلهة.

 
معبد نفرتاري: تم نحته على جبل أطلق عليه المصريون “الجبل الطاهر” وقبل بناء المعبد كانت الأهالي بتيجي الجبل لأنهم كانوا معتقدين أن روح الإله “حتحور” بتسكن الجبل ووقتها قام الملك رمسيس باستغلال الإعتقاد ده وقام ببناء المعبد اللى خصصه لزوجته “الملكة نفرتاري“.