معبد حتشبسوت بالأقصر

معبد حتشبسوت هو المعبد الجنائزي الخاص بواحدة من أجمل الجميلات المصريات وهي الملكة حتـشبسوت، واللى كانت أول واحدة تلبس الجوانتيات المطرزة بالأحجار الكريمة وده كان بسبب العيب الخلقي في صوابعها، وعلى الرغم من ان أغلب الجميلات بيهتموا بجمالهم فقط إلا انه في عهدها كان في إنجازات عظيمة زي الرحلات التجارية لبلاد بونت اللى كانت بتستورد منها البخور اللى بيستخدموه في تقاليد عبادة الآلهة، ده بالإضافة ان في عهدها كان بتتسم الدولة بالسلام والإزدهار وده لعلاقاتها القوية مع الدول اللى حمت البلد من نشوب أي حروب خلال عهدها.
أما عن المعبد فتاريخه بيعود للأسرة الـ 18 وبيتميز بتصميمه المعماري الراقي على يد المهندس “سننموت” واللى تكاثرت الأقاويل عنه وعن الملكة حتشبسوت وعن حبهم اللى كان سبب في تأسيس المعبد اللى بيتميز بتصميمه المُخالف للتقاليد المعمارية خلال الفترة دي عشان يبقى منفرد عن باقي المعابد
مش بس كده .. قام المهندس بحفر نفق بين مقبرته ومقبرتها دليلًا على استمرار حبهم لبعض حتى بعد الموت!
وخلال زيارتك للمعبد هتلاقي الرموز والنقوشات الفرعونية اللى بتحكي تاريخ حكم الملكة لمصر الفرعونية والبعثات التجارية اللى كانت بتقوم بيها لبلاد بونت عشان تطور من مستوى البلد اقتصاديًا
ومن الداخل هتزور محراب حتشبسوت وتحتمس الأول واللى بيعتبروا من الأماكن الرئيسية للمعبد
وهتتوجه بعد كده لقدس الشمس اللى بيتكون من 15 بهو هيوصلك لمائدة القرابين اللى كانت مُخصصة لعبادة الآلهة
وهتزور كمان محراب آمون رع اللى بيضم 4 تماثيل للملكة حتشبسوت
هنروح دلوقتي على الجزء الشمالي لآمون رع وهو عبارة عن غرفة مليانة بالنقوش الفرعونية وكانت مُخصصة لعبادة الآلهة
وبعد ما تخلص جولتك هتلاقي أجمل الهدايا والمنتجات المصرية بالطابع الفرعوني اللى تقدر تحتفظ بيها كتذكار لرحلتك 
عشان تقدر تزور معبد حتشبسوت وتتعرف على معالمه التاريخية اللى اتميز بيها، تقدر تسافر معانا في أرخص رحلة نيلية بالطيران مع أقوى برنامج سياحي.

سافر الأقصر وأسوان على أد ميزانيتك

برنامج الرحلة :                        
اليوم الأول: الوصول إلى مدينة أسوان، وزيارة السد العالي، ومعبد فيلة، ثم التوجه إلى النايل كروز للتسكين وتناول العشاء، والذهاب إلى جولة حرة بالمدينة.
اليوم الثاني: تناول الإفطار وزيارة القرية النوبية (إختياري)، والإبحار إلى مدينة كوم امبو خلال تناول الغداء، والتوجه إلى زيارة معبد كوم امبو، ثم الإبحار مرة أخرى لمدينة إدفو، ثم تناول العشاء والإستعداد لحفل المساء.
اليوم الثالث: تناول الإفطار وزيارة معبد إدفو، ثم العودة مرة أخرى للباخرة لتناول الغداء، والصعود لسطح المركب لمشاهدة هاويس إسنا خلال الإبحار إلى مدينة الأقصر، والتجمع مساءًا لحضور عرض الصوت والضوء بمعبد الكرنك (إختياري)، ثم العودة إلى الباخرة لتناول العشاء والإستعداد لحفلة المساء.
اليوم الرابع: تناول الإفطار والإستعداد للمغادرة، ثم زيارة وادي الملوك ومعبد حتشبسوت، والعودة مرة أخرى للباخرة لتناول الغداء والتوجه لزيارة معبد الأقصر ومعبد الكرنك، ثم العودة إلى القاهرة مرة أخرى.